Relationship Tips : पतीपेक्षा तूम्हाला जास्त पगार असल्याने होतात वाद? वाचा कसे सांभाळाल नाते!

आजच्या आधुनिक युगात महिलाही प्रत्येक क्षेत्रात आपले कर्तृत्व सिद्ध करत आहेत. पण तरीही भारतीय समाजाची विचारसरणी अजूनही मागासलेली आहे. एखाद्या कंपनीत महिला बॉस असेल तर पुरुषांना ती गोष्ट पचवणे अनेकदा कठीण जाते. मात्र, नोकरीमुळे ते काही बोलू शकत नाहीत. पण, घरातही तसेच असेल तर ते व्यक्त होतात. पत्नीला आपल्यापेक्षा अधिक पगार आहे, यावरून अनेकदा जोडप्यांमध्ये वाद होतात.  

तूम्हालाही तूमच्या पतीपेक्षा अधिक पगाराची नोकरी असेल. तर आम्ही काय सांगतोय हे तूम्हाला पटत असेल. कारण, भारतीय लोकांची मानसिकता आजही महिलांच्या यशावर समाधानी होणारी नाही. मग, ती स्त्री रस्त्यावर फिरून वस्तू विकणारी असो वा आयटी कंपनीत मोठ्या पोस्टवर असो. तिला या कारणाने सतत ताणतणावाला सामोरे जावे लागत असते.

संवादाने सुटतील प्रश्न

पतीपेक्षा पत्नी जास्त कमावत असेल. तर नात्यात नेहमीच खडाजंगी होत असते. तुमचा पतीही तुमच्यापेक्षा कमी कमावत असेल तर काय होईल, कोणत्याही समस्येचे समाधान संवादातच दडलेले असते. जेव्हा जोडप्यांचा विचार केला जातो तेव्हा ते अधिक आवश्यक होते.

पतीला हे समजावून सांगा की हे नोकरी करणे दोघांसाठीच नाही तर कुटुंबासाठीही खूप महत्त्वाचे आहे.

इगो बाजूला ठेवा

अनेकवेळा असे घडते की जेव्हा एक जोडीदार दुसऱ्यापेक्षा जास्त कमावतो तेव्हा त्यांच्या मनात कुठेतरी अहंकार निर्माण होतो. तो आपल्या जोडीदाराला कमी लेखू लागतो. पण जर तुम्हाला तुमच्या नात्यात प्रेम टिकवायचे असेल तर तुम्ही तुमचा अहंकार बाजूला ठेवा.

जर तुम्ही जास्त कमावत असाल तर ती तुमची वर्षानुवर्षे केलेली मेहनत आहे. अशा परिस्थितीत तिची तुमच्या पतीच्या कमाईशी तुलना केल्याने तुमच्यामध्ये अडचण निर्माण होते.

जोडीदाराचे कौतुक करा

काहीवेळा नातेसंबंधातील समस्यांचे एक मुख्य कारण म्हणजे पत्नी जास्त कमावते म्हणून पती स्वत:ला कमी समजतात. त्यांच्या या न्यूनगंडामुळे त्याला स्वतःच्या पत्नीवर राग आणि राग येऊ लागतो. त्यामूळे बिघडलेले नाते सुधारण्यासाठी पतीचे कौतूक करा. कौतूक केल्याने तणाव दूर होईल आणि नात्यात मोकळेपणा येईल.

आर्थिक नियोजन

तुम्ही जास्त कमावत असाल आणि तुम्हाला घराच्या सर्व जबाबदाऱ्या घेण्याचे अधिकार दिलेले आहेत. परंतु तरीही नात्यात आनंद टिकवण्यासाठी तुम्ही दोघांनी मिळून आर्थिक नियोजन करणे आवश्यक आहे. तसेच घरातील खर्च एकत्र करा. दोघांच्याही पैशातून घराचे आर्थिक खर्च करा. त्यामूळे नात्यात तूम्ही एकाच पायरीवर असल्याचे जोडीदाराला वाटेल. अशाप्रकारे, आर्थिक नियोजनामुळे तुमचे नाते अधिक चांगले होण्यास मदत होते.

काम आणि घर मॅनेज करा

ऑफिसमध्ये तूमच्यावर जास्त जबाबदाऱ्या आहेत. अनेक वेळा कामाच्या घाईत कुटुंब मागे राहते. पण जर तुम्हाला तुमच्या नात्यात प्रेम टिकवायचे असेल तर तुमच्या नोकरीवर कधीही तुमच्या कुटुंबावर वर्चस्व गाजवू नका. कुटुंब आणि ऑफिस या दोन्हींचा समतोल साधण्याचा प्रयत्न करा.