Summer Skin Care: तुमचाही चेहरा उन्हात गेल्यावर लाल होतोय? मग वापरा 'या' घरगुती गोष्टी

summer skin care home remedies for redness on face

उन्हाच्या झळा सुरू झाल्या आहेत. या दिवसांध्ये आरोग्यासह त्वचेसंबंधित देखील समस्या वाढू लागतात. उन्हाळ्यात चेहऱ्याला स्कार्फ बांधून बाहेर पडलो नाही तर चेहऱ्यावर लाल डाग दिसू लागतात. त्यामुळे चेहरा निस्तेज आणि निर्जीव दिसू लागतो.

जर तुमची त्वचा देखील संवेदनशील असेल आणि कडक सूर्यप्रकाशामुळे तुमचा चेहरा निस्तेज आणि लाल होऊ लागला असेल पुढील घरगुती गोष्टींचा वापर करू शकता.

• चंदन

चंदनामुळेही चेहऱ्याला थंडावा मिळतो. त्यामुळे तुम्ही याचा वपार करू शकता. चंदन पेस्ट तुमच्या चेहऱ्याला चमकदार ठेवण्यास मदत करते. यासाठी चंदन पावडरमध्ये थोडे गुलाबजल मिक्स करावे.नंतर चेहऱ्यावर लावावे. 10 मिनिटानंतर कोरडे झाल्यावर चेहरा स्वच्छ धुवावा.

• दही

दही आरोग्यासह चेहऱ्यासाठी खूप फायदेशीर आहे. याचा वापर केल्याने चेहरा हायड्रेटेड राहते. कारण त्यात प्रोबायोटिक गुणधर्म असतात. जे त्वचेला थंड करतात. त्यामुळे तुम्ही दह्याचा पॅक बनवून दररोज चेहऱ्यावर लावू शकता. यासाठी एका भांड्यात 1 चमचा दही घ्यावे. गुलाबाच्या पाकळ्या बारीक करून त्यात मिक्स करावे. त्यानंतर हा पॅक चेहऱ्यावर लावावा. आता 15 मिनिटे चेहऱ्यावर राहू द्या. यामुळे तुमचा चेहरा स्वच्छ होईल. तसेच तुमच्या त्वचेवर लाल डाग दिसणार नाहीत.

• नारळ पाणी

नारळाच्या तेलासोबत नारळपाणी आरोग्य आणि चेहऱ्यासाठी फायदेशीर असते. नारळ पाणी त्वचेला हायड्रेट ठेवण्यास मदत करते. नारळ पाणी चेहऱ्यावर लावल्यास लालसरपणा कमी होतो.

• बर्फ

तुमचाही चेहरा उन्हात गेल्यावर लाल होत असेल तर बर्फाचा वापर करू शकता. यासाठी एका सुती कापडामध्ये बर्फ घ्यावा आणि हलक्या हाताने चेहऱ्यावर फिरवावा. यामुळे लालसरपणा कमी होईल. बर्फ थेट चेहऱ्यावर लावू नका.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.