Health Care : डोळ्यांची दृष्टी सुधारण्यासाठी उपयुक्त आहे कांदा, जाणून घ्या ‘हे’ फायदे

Health Care : अनेक खाद्यपदार्थांमध्ये आवर्जून वापरला जाणारा कांदा हा आपल्या आरोग्यासाठी अतिशय फायदेशीर आहे. कांद्यामध्ये मोठ्या प्रमाणात सोडिअम, फोलेट, पोटॅशिअम, व्हिटॅमिन A,C,E, कॅल्शिअम, फॉस्फरस आणि मॅग्नेशिअम इत्यादी पोषकघटकांचा समावेश आढळून येतो. या सर्व गोष्टींमुळे कांदा हा एक प्रकारचे सुपरफूड ठरतो.

जखमा बऱ्या करण्यासाठी आणि केसांच्या वाढीसाठी देखील कांद्याचा वापर केला जातो. यासोबतच अनेकांना जेवणासोबत कच्चा कांदा खायला ही प्रचंड आवडतो. आज आपण या बहुगुणी कांद्याचे आरोग्यदायी फायदे काय आहेत? ते जाणून घेणार आहोत.

कांद्याचे आरोग्यदायी फायदे खालीलप्रमाणे :

हृदयासाठी आहे लाभदायी

कांद्यामध्ये फ्लेव्होनॉइड्स आणि थायोसल्फिनेट्स नावाची संयुगे मुबलक प्रमाणात आढळून येतात. विशेष म्हणजे ही दोन्ही संयुगे हृदयाच्या आरोग्यासाठी लाभदायी आहेत.

फ्लेव्होनॉईड्स आपल्या शरीरातील खराब कॉलेस्ट्रॉल काढून टाकण्याचे काम करतात. कांद्याचे सेवन केल्याने हृदयविकाराचा धोका कमी होतो. त्यामुळे, कांदा खाणे हे एकूणच आपल्या आरोग्यासाठी अतिशय लाभदायी आहे. (beneficial for heart)

डोळ्यांची दृष्टी सुधारते

कांद्यामध्ये व्हिटॅमीन सी, फ्लेव्होनॉईड्स आणि अँटीऑक्सिडंट्स इत्यादी पोषकतत्वे आढळून येतात. जे आपल्या शरीराला अनेक रोग आणि संक्रमणांपासून दूर ठेवण्याचे काम करतात. कच्च्या कांद्याचे सेवन केल्याने डोळ्यांची दृष्टी सुधारण्यास मदत होते.

कांद्यामध्ये व्हिटॅमीन ए, सी आणि ई इत्यादी व्हिटॅमिन्स भरपूर प्रमाणात आढळतात. हे व्हिटॅमिन्स डोळ्यांची दृष्टी सुधारण्याचे काम करतात आणि डोळ्यांना मजबूत ठेवतात. त्यामुळे, कांद्याचे सेवन करणे हे आपल्या आरोग्यासोबतच डोळ्यांसाठी देखील फायदेशीर आहे.(beneficial for eyes)

मुरूमांसाठी फायदेशीर आहे कांदा

कच्चा कांदा हा मुरूम आणि त्वचेच्या समस्या दूर करण्यासाठी अतिशय उपयुक्त आहे. हे वाचून तुम्हाला कदाचित आश्चर्य वाटेल. परंतु, हे खरे आहे. कांद्यामध्ये आढळून येणारे सल्फर नावाचे संयुग चेहऱ्यावरील मुरूम शांत करण्यासाठी आणि त्यांची तीव्रता कमी करण्यासाठी फायदेशीर आहे.

यामुळे, त्वचा मुलायम आणि स्वच्छ राहण्यास मदत होते. चेहऱ्यावरील पिंपल्स, डाग आणि सूज कमी करण्यासाठी कांदा अतिशय उपयुक्त आहे. (beneficial for skin)