Hair Care Tips : केसांचा फ्रिझीनेसपणा कमी करण्यासाठी 'या' नैसर्गिक तेलांचा करा वापर

Hair Care Tips : वातावरणात बदल झाले की त्याचा परिणाम आपल्या शरीरावर, त्वचेवर आणि केसांवर ही होऊ लागतो. नुकतीच कडाक्याच्या थंडीला सुरूवात झाली आहे. थंडीमध्ये त्वचेसोबतच केसांची ही खास काळजी घ्यावी लागते. वातावरणातील बदलामुळे केसांवर ही याचा परिणाम होतो.

थंड वातावरणामुळे केस कोरडे आणि निस्तेज दिसू लागतात. त्यामुळे, या दिवसांमध्ये केसांचा फ्रिझीनेसपणा देखील वाढतो. फ्रिझीनेसपणा वाढला की केस कोरडे आणि निस्तेज दिसू लागतात.

त्यामुळे, ही समस्या टाळण्यासाठी विविध प्रकारचे शॅंम्पू आणि हेअर सीरम्सचा वापर केला जातो. मात्र, केसांचा फ्रिझीनेसपणा कमी करण्यासाठी आपण काही नैसर्गिक तेलांचा ही वापर करू शकतो.

या तेलांचा वापर केल्याने केस मऊ आणि चमकदार होण्यास मदत होते. शिवाय, केसांमधील फ्रिझीनेसपणा ही कमी होतो. केसांमधील हा फ्रिझीनेसपणा कमी करणाऱ्या तेलांबद्दल आपण जाणून घेऊयात.

नारळाचे तेल

नारळाच्या तेलामध्ये मॉईश्चरायझिंग गुणधर्म भरपूर असतात. या तेलाने केसांचा मसाज केल्याने केसांमधील कोरडेपणा दूर होण्यास मदत होते. तसेच, केसांचा पोत मजबूत होतो आणि केसांशी संबंधित इतर समस्या दूर होतात.

केस धुण्यापूर्वी ३० मिनिटे आधी या खोबरेल तेलाने केसांचा छान मसाज करा. त्यानंतर, केस धुवा. त्यामुळे, केस मऊ आणि चमकदार होतील तसेच, केसांमधील फ्रिझीनेसपणा कमी होईल. अधिक चांगल्या परिणामांसाठी आठवड्यातून २-३ वेळा या तेलाने केसांचा मसाज करा.

बदामाचे तेल

केसांमधील वाढलेला कोरडेपणा आणि फ्रिझीनेसपणा कमी करण्यासाठी बदामाचे तेल फायदेशीर आहे. या तेलामध्ये आढळून येणाऱ्या पोषकतत्वांमुळे केसांमधील फ्रिझीनेसपणा दूर होण्यास मदत होते. तसेच, केसांची चांगल्या प्रकारे वाढ होते.

या तेलाने आठवड्यातून ३ वेळा केसांचा मसाज करा. तसेच, केस धुतल्यानंतर आफ्टर वॉश हेअर सीरम म्हणूनही तुम्ही या तेलाचा वापर करू शकता.

टी ट्री ऑईल

केसांमधील वाढत्या कोरडेपणामुळे केसांमध्ये कोंड्याची समस्या ही वाढू शकते. त्यामुळे, केसांचा हा कोरडेपणा आणि फ्रिझीनेसपणा कमी करण्यासाठी टी ट्री ऑईलचा अवश्य वापर करा. या तेलाचा वापर केल्याने केसांची छान वाढ होते आणि केसांचा फ्रिझीनेसपणा कमी होतो.

शिवाय, अनेक प्रकारच्या संसर्गांपासून हे तेल केसांचे आणि स्काल्पचे संरक्षण करते. आठवड्यातून २-३ वेळा या तेलाने केसांचा छान मसाज करा, त्यानंतर केस धुवून टाका.