Parenting Tips: खोडकर मुलांना खाऊ घालायचंय, मग या पाच ट्रीक्स ट्राय करून बघा

मुलांना खायला घालणे हे एखाद्या मोठ्या कामापेक्षा कमी नाही. विशेषत:जेव्हा मुलं नेहमी खाण्या-पिण्यावेळेस जेवणाच्या बाबतीत खोडकरपणा करतात. काही वेळा मुलांचे नखरे पाहून पालक अस्वस्थ होतात आणि त्यांना असेच सोडून देतात, पण प्रत्येक वेळी मुलांनी असे करणे मुलांच्या विकासासाठी योग्य नाही. तुम्ही कसे ही करुन मुलांना खायला घालायला हवे. मुलांना खाऊ घालण्यासाठी तुम्ही काही ट्रिक्सही फॉलो करु शकता.

मुलांबरोबर फूड गेम खेळा

मुलांना खाऊ घालण्याचा उत्तम मार्ग म्हणजे एखादा फूड गेम खेळा. उदा. जो पहिल्यांदा पोळी किंवा पराठा खातो, फूड स्टोअर विक्रेत्यासारखे खेळ प्रभावी सिद्ध होऊ शकतात.

जेवण सजवा

बाळाला चीज सँडविच भरवायचं असेल तर केचअपने सजवू शकता. भाज्यांपासून कलानिर्मिती करून मुलांना अगदी सहज खाऊ घालू शकता.

कार्टून किंवा कलरफूल प्लेट्स

कार्टून्स किंवा मुलांच्या आवडत्या कार्टून कॅरेक्टर्ससोबत कप, प्लेट्स, लंच बाक्स मागवू शकता. या रंगबेरंगी गोष्टींमध्ये मुलांनाही जेवण करण्याचा आनंद मिळेल.

मुलांना एखाद्या गोष्टींमध्ये गुंतवा

नेहमी हीच ट्रिक करू नका, पण कधी कधी मूल खूप अस्वस्थ झाल्यावर मुलांना जेवण खाऊ घालण्याऐवजी फिरायला घेऊन जा किंवा आईस्क्रीम खाण्याचे आमिष दाखवून जेवण खाऊ घालू शकता.

मुलांना एखादी गोष्ट सांगा

मुलांना जेवण खाऊ घालण्याच्या फायद्यांबद्दल एक गोष्ट सांगा किंवा सुपरहीरोच्या आवडीच्या पदार्थांसारखी कथा मुलांना सांगा. खासकरून जेवण भरवताना मुलांना गोष्टी सांगा,यामुळे मुलाचं पूर्ण लक्ष कथेवर राहील आणि मूल जास्त जेवण करेल.