उशिराने गर्भधारणा करायची असल्यास egg fridging आवश्यक | Sakal
sakal

बोलून बातमी शोधा

egg  fridging

उशिराने गर्भधारणा करायची असल्यास egg fridging आवश्यक

मुंबई : करिअर, स्वत:चं घर, मैत्रीतून नवरा-बायकोचं नातं फुलवत नेण्याची इच्छा, इत्यादी कारणांमुळे आजकाल पाळणा लांबवण्याकडे कल दिसून येतो; मात्र अधिक प्रौढ वयात बाळाला जन्म द्यायचा म्हटल्यास बाळंतपणातील गुंतागुंत वाढू शकते. त्यामुळे इतर काही मार्ग अवलंबणे आवश्यक असते.

हेही वाचा: 'लिव्ह इन'मधील जोडप्यात लैंगिक संबंध प्रस्थापित झाल्यास तो बलात्कार कसा? - सुप्रीम कोर्ट

शुक्राणूंची संख्या

पुरूषामधील शुक्राणूची संख्या चांगली असेल तर प्रौढ वयातही ही संख्या चांगली राहण्याची शक्यता असते. त्यामुळे उशिराने प्रजनन करण्यासाठी पुरुषाच्या शुक्राणूंच्या संख्येची तपासणी करून घेणे आवश्यक आहे.

हेही वाचा: धक्कादायक, या कारणांनी खालावत आहे सर्वांच्याच शुक्राणूंची गुणवत्ता!

AMH level ची तपासणी

पुरुषांमधील शुक्राणूंची संख्या प्रौढ वयातही चांगली राहात असली तरीही महिलांच्या गर्भाशयाची क्षमता मात्र वयानुसार कमी होत जाते. त्यामुळे महिलांकडे आई बनण्यासाठी कमी वेळ असतो. एखाद्या महिलेला कमी वयात लग्न करायचे नसेल किंवा मूल जन्माला घालण्याचा निर्णय उशिरा घ्यायचा असेल तर AMHची तपासणी करून घेणे आवश्यक आहे.

AMH तापसणी म्हणजे काय ?'

महिलेच्या गर्भाशयाची अंडी तयार करण्याची क्षमता किती आहे हे यातून समजते. या तपासणीतील निष्कर्षाच्या आधारे पुढील आणखी किती काळ बाळंतपणाचा निर्णय पुढे ढकलला जाऊ शकतो याबाबत डॉक्टरांचा सल्ला घेतला जाऊ शकतो.

egg fridging

एखाद्या महिलेची AMH level वयाच्या तुलनेत कमी असेल तर egg fridgingचा पर्याय निवडला जाऊ शकतो. वयाच्या ३२व्या वर्षी egg fridging केल्यास ३६व्या वर्षी गर्भधारणा करतानाही अंड्यांचे वय बत्तीसच राहाते. परिणामी, प्रौढ वयातही गर्भधारणा करणे सोपे होते. egg fridging केल्यानंतर चार-पाच वर्षांनीसुद्धा गर्भधारणा केली जाऊ शकते. fridge केलेली अंडी पुरुषाच्या शुक्राणूसोबत एकत्र करून त्यांपासून भ्रूण तयार केला जातो. हा भ्रूण महिलेच्या गर्भाशयात सोडला जातो.

बाळंतपण लांबवण्यासाठी अलीकडच्या काळात अनेक महिला या पर्यायाचा अवलंब करत आहेत. अभिनेत्री राखी सावंत हिनेही एका मुलाखतीत egg fridging करण्याची इच्छा व्यक्त केली होती.

Web Title: To Get Pregnant At Older Age Test The Amh

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :pregnancy
go to top