Vastu Tips For Bathroom: बाथरूममध्ये लाल रंगाची बादली ठेवणे शुभ की अशुभ? जाणून घ्या

वास्तुशास्त्रानुसार लोकांच्या घरात ठेवलेल्या वस्तूंचा त्यांच्या जीवनावर खोलवर प्रभाव पडतो. वास्तुशास्त्राविषयी सांगायचं तर त्यात असं अनेक उपाय सांगण्यात आले आहेत, ज्याचा अवलंब केल्याने नशीब सुधारता येते.असाच एक उपाय बाथरूममध्ये ठेवलेल्या बादलीच्या रंगाशी संबंधित आहे.

वास्तूचे नियम बेडरूममध्ये, स्वयंपाकघरात आणि बाल्कनीमध्येही पाळणे अत्यंत आवश्यक आहे. बाथरूममध्ये योग्य रंगाच्या वस्तू न ठेवल्याने घरात नकारात्मकता पसरू शकते आणि लोकांना आर्थिक संकटाचा सामना करावा लागू शकतो.

आज आम्ही तुम्हाला सांगणार आहोत की वास्तुनुसार बाथरूममध्ये कोणत्या रंगाची बादली ठेवणे शुभ मानले जाते.

भिंतींचा रंग आणि त्यात ठेवलेल्या बादलीचा रंग यांचाही लोकांच्या जीवनावर मोठा परिणाम होऊ शकतो. बाथरूमसाठी उत्तर किंवा उत्तर-पश्चिम दिशा उत्तम मानली जाते. किचनच्या समोर किंवा शेजारी बाथरूम कधीही नसावे.

बाथरूमच्या भिंती नेहमी हलक्या रंगात पेंट केल्या पाहीजेत जास्त गडद रंग वापरणे वास्तूमध्ये चांगले मानले जात नाही. बाथरूममध्ये ठेवलेल्या बादलीच्या रंगालाही वास्तूमध्ये खूप महत्त्व आहे आणि खूप गडद रंगाच्या बादल्या आणि मग बाथरूममध्ये ठेवू नयेत.

बाथरूममध्ये लाल बादली ठेवणे अशुभ आहे का?

बाथरूममध्ये वास्तुनुसार गडद रंगाच्या बादल्या आणि मग ठेवणे चांगले मानले जात नाही. तसेच बाथरूममध्ये लाल आणि काळी बादली ठेवल्याने वास्तुदोष होऊ शकतात. असे केल्याने आर्थिक नुकसान होऊ शकते आणि कुटुंबातील सदस्यांचे आरोग्य बिघडू शकते.

लाल रंग अग्नीचे प्रतीक मानला जातो, त्यामुळे बाथरूममध्ये तो रंग टाळावा. जर तुम्ही बाथरूममध्ये लाल रंगाची बादली आणि मग वापरत असाल तर शक्य तितक्या लवकर हलक्या रंगाची बादली ठेवा आणि लाल रंगाची बादली बाहेर फेकून द्या. असे केल्याने तुम्ही आनंदी राहाल.