कात्रज : लोकसभेसाठी होत असलेल्या बारामती लोकसभा मतदारसंघातील मतदानास सकाळपासुन सुरवात झाल्यानंतर शांततेत मतदान पार पडले. पुरंदर विधानसभा मतदारसंघातील नव्याने महापालिकेत समाविष्ट झालेल्या भिलारेवाडी, मांगडेवाडी आणि गुजर-निंबाळकरवाडीतील जिल्हा परिषदेच्या शाळेत मतदान करण्याची सोय करण्यात आली होती.
त्याचबरोबर, येवलेवाडीतही मतदान झाले. दुपारी ऊन जास्त जाणवत असल्यामुळे सकाळी लवकर मतदान करण्याकडे नागरिकांचा कल होता. तशा मतदान केंद्रावर रांगाही लागलेल्या दिसून आल्या. पहिल्यांदाच मतदान करणाऱ्या मतदारांमध्ये उत्साह दिसत होता.
त्याचबरोबर, सुखसागरनगरमधील राजीवगांधीनगर, भारती विद्यापीठ परिसरातही मतदान झाले. लेकटाऊन सोसायटीतील अमित भंडारे हे जर्मनीस्थित व्यक्तीने खास मतदानासाठी परदेशातून येत मतदान केल्याने चांगलीच चर्चा झाली. यावेळी मतदान करुन त्यांनी मतदारांना आवाहन केले. यावेळी त्यांचे गुलाबपुष्प देऊन सोसायटीच्या वतीने स्वागतही करण्यात आले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.