CM Eknath Shinde : मुख्यमंत्र्यांच्या मतदारसंघात मतदानाचा टक्का जास्त; दुपारी 1 पर्यंत झाले 29.88 टक्के मतदान

-राजीव डाके

Maharashtra Lok Sabha Election Fifth Phase : लोकसभा निवडणुकीसाठी पाचव्या टप्प्यातील मतदानाला सुरुवात झाली आहे. देशभरात ४९ जागांवर मतदान होत आहे. महाराष्ट्रात मतदानाचा पाचवा आणि शेवटचा टप्पा आज आहे. मुंबईतील सहा जागांसह राज्यातील १३ जागांवर मतदान सुरु आहे.

ठाणे मतदारसंघातील (Thane Constituency) एकूण ६ विधानसभा मतदारसंघात दुपारी १:०० वाजेपर्यंत सरासरी अंदाजे २६.०५ टक्के मतदान झाले आहे. मुख्यमंत्री एकनाथ शिंदे (Eknath Shinde) यांच्या कोपरी पाचपाखाडी मतदान संघात दुपारी १:०० वाजेपर्यंत सगळ्यात जास्त मतदान झाले.

येथील मतदान झाल्याची टक्केवारी २९.८८ इतकी आहे. त्यापाठोपाठ ठाणे विधानसभा २९.५३, मिराभाईंदर २८.३९, बेलापूर २५.७२, ऐरोली २५.०७ आणि ओवळा माजिवडा येथे २०.१८ टक्के मतदान झाले आहे. दरम्यान, जिल्ह्यात अद्याप मेडिकल एमर्जंशीची कोणतीही घटना समोर आली असल्याचे डॉ. कैलास पवार यांनी सांगितले.

सकाळ ९ ते ११ वाजेपर्यंत झालेले मतदान

• भिवंडी लोकसभा - २७.३४ %

• ठाणे लोकसभा - २६.५ %

• कल्याण लोकसभा - २२.५२ %