Naseem Khan: नसीम खान यांची नाराजी दूर करण्यात काँग्रेसला यश? पुण्यात धंगेकरांच्या प्रचारासाठी लावली हजेरी

पुणे : काँग्रेसचे महाराष्ट्रातील वरिष्ठ नेते नसीम खान यांनी नुकताच आपल्या स्टार प्रचारकपदाचा राजीनामा दिला होता. काँग्रेसनं महाराष्ट्रातील ४८ लोकसभेच्या जागांपैकी एकाही जागेवर मुस्लिम उमेदवार न दिल्यानं त्यांनी नाराजी व्यक्त केली होती.

पण त्यांची ही नाराजी काँग्रेस पक्षश्रेष्ठींना यश आल्याचं दिसतं आहे. कारण याच नसीम खान यांनी पुण्यातील उमेदवार रविंद्र धंगेकर यांच्या प्रचार सभेला हजेरी लावली. तसेच या ठिकाणी भाषणंही केलं. (Is Naseem Khan displeasure remove because he was appeared in Rahul Gandhi rally for Ravindra Dhangekar campaign in Pune)

महाविकास आघाडीचे आणि काँग्रेसचे उमेदवार रविंद्र धंगेकर यांच्या प्रचारासाठी आज पुण्यातील एसएसपीएमएसच्या ग्राऊंडवर राहुल गांधींची सभा पार पडली. यावेळी राज्यातील काँग्रेसचे बडे नेते हजर होते. यावेळी व्यासपीठावर नसीम खान यांनी देखील हजेरी लावली. यावेळी त्यांनी धंगेकरांना निवडून देण्यासाठी भाषणंही केलं. (Latest Marathi News)

नसीम खान व्यासपीठावर दिसले कारण काँग्रेसनं त्यांची नाराजी दूर केल्याची चर्चा सुरु आहे. कारण आपण महाराष्ट्रात एकाही उमेदवाराचा प्रचार करणार नाही, असा पवित्रा त्यांनी घेतला होता. पण काँग्रेसनं त्यांची ही नाराजी दूर करताना काय आश्वासनं दिली असतील याची माहिती कळू शकलेली नाही. (Marathi Tajya Batmya)