Kangana Ranaut : ''निवडणूक जिंकले तर बॉलीवूड सोडणार'', कंगना रणौतने जाहीर केली भूमिका

Loksabha election 2024 : बॉलीवूड अभिनेत्री कंगना रणौत निवडणुकीच्या आखाड्यात आहेत. त्यांना भाजपने हिमाचल प्रदेशच्या मंडी लोकसभा मतदारसंघातून उमेदवारी दिली आहे. त्यामुळे सध्या त्या पूर्णवेळ प्रचारात गुंतल्या आहेत. या निवडणुकीत आपला दणदणीत विजय होतील, असा त्यांना विश्वास आहे.

कंगना रणौत यांनी 'आज तक'शी बोलताना सांगितलं की, लोकसभेला निवडून आले तर बॉलीवूड सोडणार आहे. त्यानंतर पूर्णवेळ राजकारण करणार असल्याचं त्यांनी स्पष्ट केलं.

सिनेमा आणि राजकारण, हे कसं मॅनेज कारणार? या प्रश्नावर उत्तर देताना कंगना यांनी सांगितलं की, मी चित्रपटांमध्येही बोर होते.. मी रोलही करते आणि दिग्दर्शनही करते. जर मला राजकारणामध्ये करिअर दिसलं तर मग मी राजकारणच करेन. मी एकच आणि नेमकं काम करणार आहे.

''लोकांना माझी गरज आहे, असं जर मला वाटलं आणि लोक माझ्याशी जोडले गेले तर मग मी त्याच दिशेने काम करेन. मी जर मंडी लोकसभा जिंकले तर मी राजकारणात जाईन. मला काही फिल्ममेकर सांगतात की, राजकारणात जाऊ नको.. परंतु जर तुम्हाला लोकांच्या अपेक्षा पूर्ण करायच्या असतील तर राजकारणात यावं लागेल.'' असं कंगना रणौत यांनी सांगितलं.

घराणेशाहीवर बोलताना कंगना म्हणाल्या की, कुठे ना कुठे आपण घराणेशाहीला राजकारण आणि चित्रपटांपुरतं मर्यादित ठेवलं आहे. घराणेशाही ही सगळ्यांचीच समस्या आहे आणि असलीच पाहिजे. या सगळ्यातून आपल्याला बाहेर आलं पाहिजे. आज मंडी मतदारसंघ माझा परिवार झाला आहे. कारण लोक मला 'मंडी की बेटी' म्हणून हाक मारत आहेत. हे माझं कुटुंब असून भावनेच्या आहारी नाही गेलं पाहिजे.