Loksabha Election 2024 : राज्यातील दुसऱ्या टप्प्याचे चित्र स्पष्ट

नांदेड/नागपूर: लोकसभा निवडणुकीच्या दुसऱ्या टप्प्यासाठी मराठवाड्यातील नांदेड, परभणी, हिंगोली आणि विदर्भातील बुलडाणा, अकोला, अमरावती, वर्धा आणि यवतमाळ-वाशिम या एकूण आठ मतदारसंघांतील निवडणुकीचे चित्र आज स्पष्ट झाले.

अर्ज माघारी घेण्याची मुदत आज संपली असून आठ मतदारसंघ मिळून २०४ उमेदवार रिंगणात आहेत. पात्र ठरलेल्या २९९ उमेदवारांपैकी ९५ जणांनी अर्ज माघारी घेतले आहेत. अमरावती मतदारसंघातून सर्वाधिक ३७ उमेदवार रिंगणात आहेत.

बहुतेक सर्व मतदारसंघांमध्ये दुरंगी आणि तिरंगी लढती रंगणार आहेत. २६ एप्रिलला मतदान होणार असून प्रचारासाठी केवळ पंधरा दिवसांचा अवधी राहिल्याने उमेदवार आता प्रचाराचा धुरळा उडविणार हे स्पष्ट आहे.