Pune News : माढा लोकसभा मतदारसंघात मोहिते पाटील कुटुंबिय रिंगणात नसतील तर, राष्ट्रवादी कॉंग्रेस शरदचंद्र पवार पक्षाकडून लोकसभा निवडणूक लढविण्यास इच्छूक असल्याचे सामाजिक कार्यकर्ते प्रवीण गायकवाड यांनी सोमवारी नवी दिल्लीत जाहीर केले.
गायकवाड यांनी नवी दिल्लीत राष्ट्रवादी कॉंग्रेस शरदचंद्र पवार पक्षाचे अध्यक्ष शरद पवार यांच्या निवासस्थानी त्यांची भेट घेतली. यावेळी माढा लोकसभा मतदारसंघातून निवडणूक लढविण्यास इच्छूक असल्याचे त्यांनी सांगितले.
त्यावर पवार यांनी पक्षातील पदाधिकाऱ्यांशी चर्चा करून सांगतो, असे त्यांना नमूद केले. गायकवाड यांचे घर अकलूजमध्येही आहे. तसेच माढा लोकसभा मतदासंघातील गावांत मोठ्या प्रमाणावर नातेसंबंध आहेत.
निवडणुकीत त्याचा मोठा फायदा पक्षाला होऊ शकतो. तसेच मराठा समाजाच्या आरक्षणासाठीच्या लढ्यातही प्रदीर्घ काळ सक्रिय असल्याचे त्यांनी पवार यांच्या निदर्शनास आणले. या मतदारसंघातून महाविकास आघाडीकडून अद्याप उमेदवार जाहीर झालेला नाही. राष्ट्रवादी कॉंग्रेस शरदचंद्र पवार पक्ष येथून उमेदवार जाहीर करणार आहेत.
माढा लोकसभा मतदारसंघातून राष्ट्रवादी कॉंग्रेस शरदचंद्र पवार पक्षाने राष्ट्रीय समाज पक्षाचे महादेव जानकर यांना उमेदवारी देण्याबाबत सूतोवाच केले होते. मात्र, महायुतीने जानकर यांना परभणीतून उमेदवारी दिली. तसेच महायुतीकडून माढा मतदारसंघात ओमराजे निंबाळकर यांना उमेदवारी देण्यात आली आहे.
त्याला मोहिते पाटील कुटुंबियांनी विरोध केला असून उमेदवार बदलण्याची मागणी महायुतीकडे केली आहे. या पार्श्वभूमीवर गायकवाड यांनी माढा लोकसभा मतदारसंघातून निवडणूक लढविण्याची इच्छा व्यक्त केली आहे.
‘‘राज्यात सामाजिक क्षेत्रात गेल्या ३० वर्षांहून अधिक काळ सक्रिय आहे. समाजाच्या विविध घटकांशी माझा मोठा संपर्क आहे. माढा लोकसभा मतदारसंघातही माझ्यासाठी नवा नाही. येथे माझा मित्र परिवार, नातेसंबंध मोठ्या प्रमाणात आहे. त्यामुळे या मतदारसंघातून निवडणूक लढविण्याची संधी मिळावी, अशी मागणी शरद पवार यांच्याकडे केली आहे,’’
- प्रवीण गायकवाड
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.