Uttar Mumbai Lok Sabha 2024 : भाजपचा एकदिलाने प्रचार, मात्र काँग्रेसचा उमेदवारही नक्की नाही

Uttar Mumbai Lok Sabha 2024 : उत्तर मुंबई मतदारसंघात भाजपने केंद्रीय मंत्री पीयूष गोयल यांची उमेदवारी जाहीर केली. खासदार गोपाळ शेट्टी यांना संधी मिळेल अशी चर्चा होती. पण गाेयल यांना मिळणारा पाठिंबा पाहता शिवसेना-भाजप युती एकदिलाने प्रचार करणार हे निश्चित आहे. मतदारसंघात काँग्रेसचा उमेदवार अद्याप निश्चित झालेला नाही. मतदारसंघातील परंपरागत मध्यमवर्गीय आणि उच्च मध्यमवर्गीयांची मोठी संख्या व त्यातही गुजराती भाषिकांचा भाजपला असलेला मोठा पाठिंबा तसेच येथे मोठ्या संख्येने असलेला झोपडपट्ट्यांमधील उत्तर भारतीय समाज देखील योगींमुळे भाजपच्या बाजूने आहे.

2019 चे चित्र

गोपाळ शेट्टी (भाजप) विजयी, मते : ७,०६,६७८

उर्मिला मातोंडकर (काँग्रेस), मते : २,४१,४३१

सुनील थोरात (वंचित बहुजन आघाडी), मते : १५,६९१

वर्चस्व

२००४ : काँग्रेस

२००९ : काँग्रेस

२०१४ : भाजप

२०१९ : भाजप

सद्य:स्थिती

• मतदारसंघात भाजपचे वर्चस्व, गोपाळ शेट्टी यांनी सलग दोनदा, तर भाजपचे राम नाईक यांनी सलग पाचव्यांदा मतदारसंघाचे प्रतिनिधित्व केले आहे.

• उमेदवार जाहीर करून भाजपची आघाडी

• पीयूष गोयल यांच्याकडून प्रचाराला सुरुवात

• शिवसेना शिंदे गट भाजपच्या बाजूने

• काँग्रेसकडून उमेदवाराची अजूनही चर्चा नाही

हे मुद्दे प्रभावी ठरणार

• मराठा आरक्षण व अन्य प्रश्नांचा फारसा प्रभाव नाही.

• मुंबईच्या इतर मतदारसंघाप्रमाणेच वाहतुकीचा प्रश्न इथेही गंभीर.

• झोपडपट्ट्या व जुन्या चाळींचा प्रश्न वर्षनुवर्षे खरडला आहे.

• संरक्षणखात्याच्या जागेचा प्रश्न मोठा आहे.

• या खात्याच्या अधिकारात अनेक जमिनी येत नाही. त्यामुळे पुनर्वसन करता येत नाही.