North West Mumbai Loksabha 2019 : निरुपम देणार कीर्तिकरांना लढत? 53.12.टक्के मतदान

सकाळ वृत्तसेवा
सोमवार, 29 एप्रिल 2019

2014 च्या लोकसभा निवडणुकीत कीर्तिकर यांनी काँग्रेसच्या गुरुदास कामत यांचा पराभव केला होता. कामत यांचे नुकतेच निधन झाल्याने काँग्रेस कीर्तिकरांविरुद्ध कोणाला उतविणार याबाबत विविध नावांची चर्चा होती. पण, आपल्या आंदोलनामुळे पक्षश्रेष्ठींकडे विश्वास निर्माण करणाऱ्या संजय निरुपम यांना संधी देण्यात आली.

मुंबई : उत्तर पश्चिम (वायव्य) मुंबई मतदारसंघात शिवसेनेचे ज्येष्ठ नेते आणि विद्यमान खासदार गजानन कीर्तिकर यांच्यासमोर आव्हान असणार आहे ते काँग्रेसच्या संजय निरुपम यांचे. आज (सोमवार) सकाळपासून मतदानासाठी रांगा पाहायला मिळत आहेत. सायंकाळी सातपर्यंत 53.52 टक्के मतदानाची नोंद झाली आहे.

2014 च्या लोकसभा निवडणुकीत कीर्तिकर यांनी काँग्रेसच्या गुरुदास कामत यांचा पराभव केला होता. कामत यांचे नुकतेच निधन झाल्याने काँग्रेस कीर्तिकरांविरुद्ध कोणाला उतविणार याबाबत विविध नावांची चर्चा होती. पण, आपल्या आंदोलनामुळे पक्षश्रेष्ठींकडे विश्वास निर्माण करणाऱ्या संजय निरुपम यांना संधी देण्यात आली. मात्र, त्यांना मुंबई प्रदेशाध्यक्षपद सोडावे लागले होते. आता निरुपम कीर्तिकर यांच्याविरोधात जोरदार प्रचार करताना दिसत आहेत. 

उत्तर पश्चिम मुंबईतील जोगेश्वरी पूर्व मतदारसंघात सर्वांत जास्त मतदान झाल्याचे दिसत आहे. उत्तर पश्चिम मुंबईतील जोगेश्वरी पूर्व : 58.55, दिंडोशी : 56.13, गोरेगाव : 53.14, वर्सोवा : 45.87, अंधेरी पश्चिम : 49.10, अंधेरी पूर्व : 56.31 या विधानसभा मतदारसंघांमध्ये पुढीलप्रमाणे मतदानाची नोंद झाली आहे. 

मतदानाची अंतिम आकडेवारी अधिकृतरित्या जाहीर झालेली नाही.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Shivsena candidate Gajanan Kirtikar and Congress candidate Sanjay Nirupam contest in North west Mumbai