Kalyan Loksabha 2019 : श्रीकांत शिंदे शिवसेनेचा गड राखणार?

मुंबई : कल्याण लोकसभा मतदारसंघामध्ये शिवसेनेचे श्रीकांत शिंदे आणि राष्ट्रवादी काँग्रेसच्या बाबाजी पाटील यांच्यात चुरशीची लढत आहे. कल्याण मतदारसंघामध्ये आज (सोमवार) सकाळपासून मतदानास सुरवात झाली. सायंकाळी 07 पर्यंत कल्याणमध्ये 42.99 टक्के मतदान झाले आहे.

कल्याण हा शिवसेनेचा मतदारसंघ मानला जातो. गेल्या निवडणुकीमध्ये शिंदे यांनी राष्ट्रवादी काँग्रेसच्या आनंद परांजपे यांच्यावर जवळपास अडीच लाख मतांनी विजय मिळविला होता. 

येथील विधानसभा मतदारसंघनिहाय मतदानाची टक्केवारी पुढीलप्रमाणे :

अंबरनाथ - 45.00
उल्हासनगर - 42.50
कल्याण पूर्व - 41.00
डोंबिवली - 43.20
कल्याण ग्रामीण - 46.50
मुंब्रा-कळवा - 39.00

मतदानाची अंतिम आकडेवारी अधिकृतरित्या जाहीर झालेली नाही.