Loksabha 2019 : मोदी-शहांवर कारवाईस सर्वोच्च न्यायालयाचा नकार

Loksabha 2019 : मोदी-शहांवर कारवाईस सर्वोच्च न्यायालयाचा नकार

नवी दिल्ली : पंतप्रधान नरेंद्र मोदी आणि भाजपचे राष्ट्रीय अध्यक्ष अमित शहा यांनी निवडणूक प्रचारादरम्यान द्वेषपूर्ण भाषण केले होते. त्यावरून त्यांच्यावर कारवाई करावी, अशी विनंती करणारे प्रतिज्ञापत्र सर्वोच्च न्यायालयात दाखल करण्यात आले होते. त्यानंतर आता निवडणूक आयोगाला मोदी-शहांवर कारवाई करण्याबाबतचे आदेश देण्यास न्यायालयाने नकार दिला. 

काँग्रेस खासदार सुश्मिता देव यांनी याबाबत प्रतिज्ञापत्राद्वारे विनंती केली होती. त्यामध्ये त्यांनी सांगितले, की मोदी-शहांविरोधातील तक्रारींवर कारवाई करण्याचे निर्देश निवडणूक आयोगाला देण्यात यावे, अशी विनंती केली होती. याशिवाय देव यांनी आणखी एक प्रतिज्ञापत्र सादर करत निवडणूक आयोग मोदी-शहा यांची बाजू घेत आहे, असा गंभीर आरोपही केला होता. 

तसेच मोदी-शहा यांना कोणतेही कारण न देता निवडणूक आयोगाने क्लीनचिट देणारे अनेक आदेश दिले आहेत. निवडणूक आयोगाच्या या निर्णयामुळे कायद्याचे वारंवार उल्लंघन झाले आहे, असेही त्यांनी या प्रतिज्ञापत्रात म्हटले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com