दोन दिवसांपूर्वी अजित पवारांनी बागडेंना केला होता फोन

हरिभाऊ बागडे, अजित पवार
हरिभाऊ बागडे, अजित पवार

औरंगाबाद -  "दोन दिवसांपूर्वी अजित पवारांनी मला फोन करून विचारले, नाना कुठे आहात? मी औरंगाबादला आहे, असे सांगितले. तेव्हा कळाले नाही की ते राजीनामा देणार होते. आज अचानक मुंबईच्या विधिमंडळातील माझ्या कार्यालयात ते आले. माझे पीए सागर यांच्याकडे स्वत:च्या हस्ताक्षरात लिहिलेला राजीनामा सादर केला आणि तेथूनच मला फोन करून राजीनामा दिल्याचे सांगितले, अशी माहिती विधानसभा अध्यक्ष हरिभाऊ बागडे यांनी "सकाळ'ला दिली. 

श्री. बागडे म्हणाले, "अजित पवार माझे चांगले मित्र आहेत. त्यामुळे मी त्यांना मैत्रीच्या भाषेतच का राजीनामा दिला हे विचारले. तेव्हा नाना नंतर सांगतो, असे सांगून माझा राजीनामा तत्काळ मंजूर करा एवढेच त्यांनी सांगितले. माझ्या मुंबईच्या कार्यालयात सायंकाळी 5.40 वाजता पवारांनी हा राजीनामा दिला. त्यानंतर त्यांचा फोन आल्यानंतर आम्ही तो मंजूर केला,'' अशी माहिती बागडे यांनी दिली. शिवाय "मी माझ्या पदाचा राजीनामा देत आहे. तो मंजूर करण्यात यावा', एवढाच मजकूर राजीनामापत्रात असल्याचेही त्यांनी सांगितले. 
 
मेलवर राजीनामा स्वीकारण्याची सुविधा 
आतापर्यंत अनेकांचे राजीनामे स्वीकारणारे विधानसभा अध्यक्ष हरिभाऊ बागडे यांनी आठवडाभरापूर्वी राजीनामा देण्यासाठी मला भेटण्याची गरज नाही. माझ्या मेलवर राजीनामा दिल्यास तो मंजूर केला जाईल. तशी सुविधा केली असल्याचे "सकाळ'ला सांगितले होते. त्यानुसार मेलवर आतापर्यंत तीन आमदारांनी राजीनामे पाठविले आहेत. ते मंजूर केले आहेत, असेही बागडे यांनी सांगितले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com