लग्न होत नसल्यामुळं अनेक युवक टोकाचं पाऊल उचलत आहेत.
भंडारा : लग्न होत (Marriage) नसल्यामुळं अनेक युवक टोकाचं पाऊल उचलत आहेत. अशीच एक धक्कादायक घटना भंडाऱ्यात (Bhandara) घडलीय. लग्न जुळत नसल्यानं मानसिक तणावात असलेल्या एका 26 वर्षीय तरुणानं गळफास घेऊन आत्महत्या केली आहे.
मागील दोन-तीन वर्षांपासून लग्नासाठी मुलीचा शोध घेत असताना देखील लग्न जुळत नसल्यानं मानसिक तणावात असलेल्या एका 26 वर्षीय युवकानं गळफास घेऊन आत्महत्या केल्याची घटना रात्रीच्या सुमारास लाखांदूर तालुक्यातील (Lakhandur Taluka) अंतरगाव इथं घडली. नीलेश रामदास सोनटक्के (26) रा. अंतरगाव असं घटनेतील मृत युवकाचं नाव आहे.
मृतक युवक नीलेश मागील 3 वर्षांपासून लग्नासाठी मुलीचा शोध घेत होता. मात्र, लग्न जुळत नसल्यानं नीलेश काही दिवसांपासून तणावात होता. घटनेच्या दिवशी रात्रीच्या सुमारास नीलेशनं घराच्या मागील बाजूस असलेल्या जांभळाच्या झाडाला नायलॉन दोरीनं गळफास घेत आत्महत्या केली. घटना कुटुंबीयांच्या लक्षात येताच, त्यांनी तात्काळ निलेशला उपचारासाठी लाखांदूर ग्रामीण रुग्णालयात दाखल केलं. मात्र, डॉक्टरांनी तपासून नीलेशला मृत घोषित केलं. या घटनेचा पुढील तपास लाखांदूर पोलीस (Lakhandur Police) करीत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.