पुणे - ऊस गाळप हंगामाला सुरुवात झाली असून आता गाळपाचे प्रमाण वाढत आहे. राज्यात पंधरा दिवसांत ४७ लाख १७ हजार टन उसाचे गाळप झाले आहे. राज्यातील शंभरहून साखर कारखान्यांचे गाळप सुरू झाले आहे..गाळप झालेल्या उसापैकी ७.०९ टक्के सरासरी उताऱ्यानुसार ३३ लाख ४६ हजार क्विंटल साखरेचे उत्पादन तयार झाले आहे. राज्यात यावर्षी ऊस बेणे, चारा, गूळ-खांडसरी आणि रसवंतीसाठी वापरला जाणारा ऊस वगळून प्रत्यक्ष साखर कारखान्यांना गाळपासाठी ९०४ ते १,०१३ लाख टन एवढा ऊस उपलब्ध होण्याचा अंदाज आहे..त्यामधून १०२ ते ११४ लाख टन साखरेचे उत्पादन अपेक्षित आहे. इथेनॉलकडे रूपांतरित होणाऱ्या दहा लाख टन साखरेचा विचार करता प्रत्यक्षात ९२ ते १०४ लाख टन एवढे साखर उत्पादन १०.२३ टक्क्याच्या सरासरी उताऱ्यानुसार प्रत्यक्षात येण्याचा साखर आयुक्तालयाकडून अंदाज वर्तविण्यात आला आहे..दरम्यान, सध्या १०७ साखर कारखान्यांकडून ऊस गाळप सुरू झाले असून परवाने घेतलेले साठ कारखाने सुरू होणे अपेक्षित असल्याचे ही आयुक्तालयाकडून सांगण्यात आले. साखर आयुक्तालयाकडून दाखल प्रस्तावातील परिपूर्ण १७५ साखर कारखान्यांना यंदाच्या ऊस गाळपाचे परवाने ऑनलाइन वितरित करण्यात आले आहेत..पुणे विभाग आघाडीवरराज्यात ऊस गाळपात पुणे विभागाने आघाडीवर आहे. पुणे विभागात दहा लाख चौदा हजार टन ऊस गाळप पूर्ण झाले असून सोळा साखर कारखान्यांचा हंगाम सुरू झाला आहे. तर सात लाख ५५ हजार क्विंटल साखरेचे उत्पादन झाले आहे. कोल्हापूर विभागात ८.१५ टक्क्यांच्या सरासरी उताऱ्यानुसार आठ लाख क्विंटल साखरेचे उत्पादन झाले असून सध्या सुरू असलेल्या तेवीस साखर कारखान्यांचे मिळून नऊ लाख ८१ हजार टन ऊस गाळप झाले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
