नागपुर : क्राईम कॅपिटल नागपुरात (Nagpur) एक धक्कादायक घटना उघडकीस आली आहे. अल्पवयीन विद्यार्थिनीला नोकरी लावून देण्याचे आमिष दाखवून गुजरात (Gujrat) मध्ये विक्री करण्यात आल्याची बाब समोर आली आहे. याप्रकरणी शहरातील एमआयडीसी पोलिसांनी गुन्हा दाखल करून गुजरातच्या दोन युवकांसह तिघांना अटक केली आहे. विशेष म्हणजे यात एका महिलेचाही समावेश आहे.
विशाखा प्रदीप बिस्वास (वय ३५), निखिल गिरीशभाई पटेल (वय ३५) आणि प्रकाश मेघाभाई वनकर (वय ३०), असे अटक केलेल्या आरोपींची नावे आहेत. पिडीत विद्यार्थीनी ही शिक्षण घेत असून तिची मैत्रीण ही आरोपी विशाखाला ओळखते. डिसेंबरमध्ये पिडीत विद्यार्थीनी ही आरोपी विशाखाला भेटली आणि तीने पिडीत विद्यार्थीनीला गुजरातमध्ये एका कापडाच्या दुकानात नोकरी लावून देणार असल्याचे सांगितले. आरोपी विद्यार्थीनीला घेऊन गुजरातला गेली आणि त्यानंतर आरोपी निखिल याच्या माध्यमातून विशाखाने आरोपी प्रकाशला एक लाख रुपयांमध्ये विद्यार्थीनीची विक्री केली त्यानंतर प्रकाशने पिडीत मुलीशी लग्न केल्याची धक्कादायक माहिती समोर आली.
या दरम्यान, मुलगी बेपत्ता झाल्याने पिडीत मुलीच्या कुटुंबाने एमआयडीसी (MIDC) पोलिसांत तक्रार दिली होती. पोलिस उपायुक्त लोहित मतानी यांच्या मार्गदर्शनाखाली या प्रकणाचा तपास सुरू होता. त्यात आरोपी विशाखाला पोलीसांनी ताब्यात घेतले. विशाखाच्या माध्यमातून पोलिसांनी आरोपी निखिल आणि प्रकाशला अटक केली आणि पिडीत मुलीची सुटका करण्यात आली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.