कोरेगाव भीमा : ‘‘अखेरच्या वेळी संगमेश्वरला ज्या ठिकाणी छत्रपती संभाजी महाराज थांबलेले होते, त्या ठिकाणी कोणत्याही मंदिरांना धक्का न लावता तुळापूर- वढूप्रमाणेच दर्जेदार भव्य स्मारक उभारण्याचा शासनाचा प्रयत्न आहे. ही तीनही ऐतिहासिक प्रेरणादायी स्मारके दर्जेदार पद्धतीने उभारताना ऐतिहासिक संदर्भ, स्थानिक ग्रामस्थ, ग्रामपंचायती व संबंधित प्रमुख घटकांना विचारात घेऊनच दर्जेदार स्मारक उभारणी करण्यात येणार आहे, ही स्मारके उभारण्यासाठी शासन कुठलाही निधी कमी पडू देणार नाही,’’ अशी ग्वाही उपमुख्यमंत्री अजित पवार यांनी केले.