Ajit Pawar Latest Update : अजित पवारांच्या गटानं हिसकावली शिंदे-फडणवीसांची 'ही' खाती

Maharashtra Political Update : राष्ट्रवादीचे नेते अजित पवारांनी राष्ट्रवादी पक्षात बंड केलं आणि शिंदे-फडणवीस यांच्यासोबत सत्तेत सामील होण्याचा निर्णय घेतला. त्यानंतर राजकीय वर्तुळात घडामोंडीना वेग आला आहेत. अजित पवारांसोबत राष्ट्रवादीच्या इतर आठ नेत्यांनी मंत्रिपदाची शपथ घेतली. मात्र या शपथविधीला बरेच दिवस उलटून गेले तरी मंत्र्यांचे खातेवाटप अद्याप झालेलं नाही. तर आपल्या मंत्रीपदाला कात्री लागण्याची शक्यता असल्यामुळे अनेक आमदार नाराज असल्याच्या चर्चा सुरू आहेत. (Latest Marathi News)

साम टीव्हीने दिलेल्या माहितीनुसार, मंत्रिमंडळात अर्थखाते हे उपमुख्यमंत्री अजित पवार यांच्याकडे सोपवले जाणार आहे. तर सहकार मंत्रालयाची जबाबदारी ही दिलीप वळसे पाटील यांच्याकडे दिली जाणार आहे. ही दोन्ही खाती यापूर्वी भाजपकडे होती. त्यामुळे मोठ्या चर्चेनंतर भाजपकडील ही खाती राष्ट्रवादीला सोडण्यात येणार असल्याची माहिती सुत्रांनी दिली आहे. जवळपास ही खाती निश्चित झाली आहेत, तर आजच खातेवाटप जाहीर होण्याची शक्यता आहे.(Latest Marathi News)

तर मुख्यमंत्री एकनाथ शिंदे यांच्याजवळील चार खाती राष्ट्रवादीला देण्यात आली आहेत.

१) परिवहन

२) कृषी

३) सामाजिक न्याय

४) अल्पसंख्यांक

तर भाजप जवळील पाच खाती राष्ट्रवादीला देण्यात आली आहेत.

१) अर्थ

२) सहकार

३) महिला आणि बाल कल्याण

४) अन्न व नागरी पुरवठा

५) क्रीडा व युवक कल्याण

खातेवाटपावरून शिंदे-फडणवीस आणि अजित पवार यांच्यात मतभेद असल्याच्या चर्चा सुरू होत्या. अर्थमंत्रीपद अजित पवारांकडे देण्यास शिवसेनेच्या आमदारांचा विरोध होता. यानंतर बऱ्याच बैठका आणि चर्चा करण्यात आल्या मात्र अजित पवारांनी अर्थ खात्याचा आग्रह धरला होता. यानंतर अखेर खातेवाटप निश्चित झाल्याचं बोललं जात आहे.(Latest Marathi News)

अजित पवार गटाला मिळणारी खाती

१) अर्थ खाते - अजित पवार

२) कृषी खाते- छगन भुजबळ

३) सहकार खाते- दिलीप वळसे पाटील

४) परिवहन- धर्मराव अत्राम

५) सामाजिक न्याय - धनंजय मुंडे

६) अन्न नागरी पुरवठा - अनिल भाईदास पाटील

७) महिला बाल कल्याण - अदिती तटकरे

८) क्रीडा - संजय बनसोडे

९) अल्पसंख्यांक - हसन मुश्रीफ