Ajit Pawar: शिवरायांना आदर्श मानून महाराष्ट्र घडला अन् राज्यपाल...; अजित पवार संतप्त | Sakal
sakal

बोलून बातमी शोधा

ajit pawar

Ajit Pawar: शिवरायांना आदर्श मानून महाराष्ट्र घडला अन् राज्यपाल...; अजित पवार संतप्त

छत्रपती शिवाजी महाराज यांच्याबाबत आक्षेपार्ह वक्तव्य केल्याप्रकरणी राज्यपाल भगतसिंह कोश्यारी यांच्यावर राजकीय स्तरातून टीका करण्यात येत आहे. दरम्यान अशातच भाजपचे प्रवक्ते सुधांशू त्रिवेदी यांनी देखील वादग्रस्त विधान केलं आहे. छत्रपती शिवाजी महाराजांनी 5 वेळा औरंगजेबाला पत्र लिहून माफी मागितली, असं म्हणत सुधांशू त्रिवेदींनी म्हंटलं आहे. यावर राजकीय वातावरण चांगलचं तापलेलं दिसून येत आहे. (Ajit Pawar Maharashtra governor Bhagat Singh Koshyari Chhatrapati Shivaji Maharaj)

विरोधकांकडून सत्ताधाऱ्यांवर टीका होत आहे. दरम्यान आता राज्याचे विरोधी पक्ष नेते अजित पवार यांनी राज्यपलांना सद्‌बुद्धी लाभो, अशी प्रार्थना केली आहे. त्यांनी ट्विट करत राज्यापलांना सुनावलं आहे. त्यांनी ट्विटमध्ये लिहिलं आहे की, 'महाराष्ट्राचं आराध्य दैवत छत्रपती शिवाजी महाराज जगातील सर्वकालिन, सर्वश्रेष्ठ आदर्श राजे आहेत.

हेही वाचा: Bhagat Singh Koshyari: राज्यपालांनी केलेले विधानावर अखेर भाजपची प्रतिक्रिया; म्हटलं...

राजसत्तेचा उपयोग विलासासाठी नव्हे तर लोककल्याणासाठी कसा करता येतो, याचा आदर्श त्यांनी निर्माण केला. छत्रपती शिवरायांना आदर्श मानून महाराष्ट्र आजवर घडला, यापुढेही घडत राहील. महाराष्ट्राच्या राज्यपालपदी तीन वर्षांहून अधिक काळ राहूनही मा. राज्यपाल महोदयांना छत्रपती शिवाजी महाराज समजत नसतील,

महाराष्ट्र व महाराष्ट्राची लोकभावना कळत नसेल, तर मा. राज्यपाल महोदयांनी पदावर राहण्याबाबत गांभीर्यानं पुनर्विचार करण्याची वेळ आली आहे. मा. राज्यपाल महोदयांच्या अनावश्यक, अनाकलनीय, निंदनीय वक्तव्यांची मा. पंतप्रधान महोदयांनी गांभीर्यानं दखल घेण्याची वेळ आली आहे. मा. राज्यपाल महोदयांना सद्‌बुद्धी लाभो, ही प्रार्थना!'

टॅग्स :Ajit PawarNCP