Ajit Pawar Vs Sharad Pawar: अजित पवारांच्या बॅनरवर शरद पवारांऐवजी यशवंतराव चव्हाणांचा फोटो

Ajit Pawar Vs Sharad Pawar: राज्याचे उपमुख्यमंत्री अजित पवार आज नाशिक जिल्हा दौऱ्यावर आहेत. यावेळी त्यांचे समर्थकांनी मोठ्या उत्साहात स्वागत केले. यावेळी त्या ठिकाणी लावण्यात आलेले बॅनर चर्चेचा विषय ठरत आहे. याचे कारण म्हणजे त्या बँनरमध्ये लावण्यात आलेले फोटो.

आजच्या नाशिक येथील कार्यक्रमात अजित पवारांच्या स्वागताच्या बॅनरवर शरद पवारांचा फोटो लावण्यात आला नाहीये. तर संयुक्त महाराष्ट्राचे पहिले मुख्यमंत्री यशवंतराव चव्हाण यांचा फोटो लावण्यात आला आहे. यामुळे हे होर्डिंग चर्चचा विषय ठरत आहे.

नुकतीच राष्ट्रवादी काँग्रेस पक्षामध्ये फूट पडली. त्यानंतर शरद पवार आणि अजित पवार असे २ गट पडले. सुरुवातीला अजित पवार गटाकडून त्यांच्या बॅनरवर शरद पवारांचा फोटो लावण्यात आला.

मात्र त्यानंतर शरद पवार यांनी अजित पवार गटाला सांगितलं होते कि, 'माझा फोटो कुठेहि वापरू नका. माझा नाव वापरू नका'. त्यानंतर आज नाशिकमध्ये बँनरवर शरद पवारांचे फोटो दिसत नाहीयेत. मात्र त्यांच्या जागी आता यशवंतराव चव्हाणांचा फोटो लावण्यात आला आहे.