सामाजिक न्याय व विशेष सहायक विभागाअंतर्गत समाज कल्याण आयुक्‍तालयाने परदेशात शिक्षणासाठी जे विद्यार्थी विद्यापीठाच्या रॅंकिंगमध्ये आले आहेत, त्यांना शिष्यवृत्तीसाठी अर्ज करण्याची मुदत 14 ऑगस्टपर्यंत असल्याचे नुकतेच स्पष्ट केले आहे. संपूर्ण जगभर कोरोनाचा प्रादुर्भाव वाढत असतानाच दुसरीकडे विद्यार्थ्यांचे शैक्षणिक नुकसानही मोठ्या प्रमाणावर झाले आहे. कोरोनामुळे काही राज्यांनी अंतिम वर्षाच्या परीक्षेचा निर्णय रद्द केला आहे. तर राज्याचे उच्च व तंत्र शिक्षणमंत्री उदय सामंत यांनी विद्यापीठ अनुदान आयोग, केंद्रीय मनुष्यबळ विकास मंत्रालय, केंद्रीय गृहमंत्री यांना पत्र पाठवून राज्याच्या स्थितीची माहिती दिली. तसेच अंतिम वर्षाच्या परीक्षा घेणे कसे योग्य नाही, अशी बाजू मांडली. याबाबत अद्याप निर्णय प्रलंबित असतानाच समाज कल्याण आयुक्‍तालयाने असे आदेश काढून आडमुठेपणा चव्हाट्यावर आणला आहे.
सोलापूर : राज्य सरकारने अंतिम वर्षाच्या परीक्षा कोरोनामुळे रद्द केल्या. मात्र, केंद्रीय मनुष्यबळ विकास मंत्रालय आणि विद्यापीठ अनुदान आयोगाने सप्टेंबरपर्यंत परीक्षा घेता येतील, असे स्पष्ट केल्याने परीक्षेचा पेच निर्माण झाला आहे. अशा परिस्थितीत सामाजिक न्याय व विशेष साहाय्य विभागाने परदेशातील शिक्षणासाठी विद्यार्थ्यांनी अर्ज करण्याची मुदत 14 ऑगस्टपर्यंत दिली आहे. त्यामुळे आता विद्यार्थ्यांसमोर पुन्हा संभ्रम निर्माण झाला आहे.
हेही वाचा : गवंड्याच्या मुलाने वडिलांच्या कष्टाचे चीज केले; सीबीएसईच्या बारावी परीक्षेत "या' जिल्ह्यात पहिला आला!
सामाजिक न्याय व विशेष सहायक विभागाअंतर्गत समाज कल्याण आयुक्‍तालयाने परदेशात शिक्षणासाठी जे विद्यार्थी विद्यापीठाच्या रॅंकिंगमध्ये आले आहेत, त्यांना शिष्यवृत्तीसाठी अर्ज करण्याची मुदत 14 ऑगस्टपर्यंत असल्याचे नुकतेच स्पष्ट केले आहे. संपूर्ण जगभर कोरोनाचा प्रादुर्भाव वाढत असतानाच दुसरीकडे विद्यार्थ्यांचे शैक्षणिक नुकसानही मोठ्या प्रमाणावर झाले आहे. कोरोनामुळे काही राज्यांनी अंतिम वर्षाच्या परीक्षेचा निर्णय रद्द केला आहे. तर राज्याचे उच्च व तंत्र शिक्षणमंत्री उदय सामंत यांनी विद्यापीठ अनुदान आयोग, केंद्रीय मनुष्यबळ विकास मंत्रालय, केंद्रीय गृहमंत्री यांना पत्र पाठवून राज्याच्या स्थितीची माहिती दिली. तसेच अंतिम वर्षाच्या परीक्षा घेणे कसे योग्य नाही, अशी बाजू मांडली. याबाबत अद्याप निर्णय प्रलंबित असतानाच समाज कल्याण आयुक्‍तालयाने असे आदेश काढून आडमुठेपणा चव्हाट्यावर आणला आहे.
हेही वाचा : रविवारपासून आठ दिवस माढ्यात कडक जनता कर्फ्यू
ठळक बाबी...
घाईगडबडीत काढलेल्या आदेशाचे शुद्धिपत्रक
समाजकल्याण कार्यालयात कोरोना पॉझिटिव्ह एक रुग्ण सापडला आहे. या पार्श्‍वभूमीवर कार्यालय क्‍वारंटाईन करण्यात आले. तत्पूर्वी परदेशातील शिष्यवृत्तीसाठी काढलेल्या आदेशात चूक झाली असून आता त्याचे शुद्धिपत्रक काढावे लागणार आहे. पोस्ट ग्रॅज्युएशनसाठी 35 वयोमर्यादा असताना 40 झाली असून पीएचडीसाठी 35 वयोमर्यादा आहे. मात्र, आदेशानुसार 40 वयोमर्यादा झाली आहे.
संपादन : श्रीनिवास दुध्याल
