अमित शहांच्या ताफ्यासाठी थांबवली होती रुग्णवाहिका; आता पोलिसांनी दिलं स्पष्टीकरण

मुंबईतील लालबागचा राजा गणेशाच्या दर्शनासाठी केंद्रीय गृहमंत्री शहा हे सहकुटुंब मुंबईत आले होते. मुंबईत त्यांनी लालबागच्या राजाचे दर्शन घेऊन, त्यानंतर वांद्रे पश्चिम येथील सार्वजनिक गणेशोत्सवात सहभागी झाले होते.

लालबागच्या दर्शनानंतर सागर बंगल्यावर जाऊन देवेंद्र फडणवीस यांच्या घराच्या गणेशाचे दर्शन अमित शहा यांनी घेतले. त्यानंतर शेजारच्या मेघदूत बंगल्यावर भाजपचे माजी नगरसेवक आणि पदाधिकाऱ्यांना अमित शहा यांनी मार्गदर्शन केले त्यांनंतर ते जाताना त्यांच्या ताफ्यासाठी रस्त्यावरील वाहतूक काही काळ थांबवली होती.

आणि त्यातच एक रूग्णवाहिका अडकल्याचा एक व्हिडीओ मंगळवारी दिवसभर वायरल होत होता. आता त्या व्हिडीओवर मुंबई वाहतूक पोलिसांनी ट्विट करत खुलासा केला आहे. त्यांनी लिहील आहे की, वाहतूकी दरम्यान थांबवलेल्या रूग्णवाहीकेत एक ही रूग्ण नव्हता ती तांत्रिक बिघाडामुळे सायरन बंद होत नव्हता.