पोट फुटेस्तुवर खाल्ल सदाभाऊ, आता बिलपण द्या; अमोल मिटकरींचा खोतांना टोला

मुंबई : सदाभाऊ खोत यांनी हाॅटेलचे बिल न दिल्याने हाॅटेल मालकाने त्यांचा ताफा अडवल्याचा प्रकार गुरुवारी (ता.१६) घडला. ही घटना सांगोला (जि.सोलापूर) येथील एका हाॅटेलमध्ये त्यांनी पार्टी केली. त्यानंतर बिल न दिल्याच्या कारणावरुन हाॅटेल मालकाने खोत यांच्या गाड्यांचा ताफा अडवून बिलाचे पैसे मागितले. यावर राष्ट्रवादी काँग्रेस पक्षाचे आमदार अमोल मिटकरी (Amol Mitkari) यांनी ट्विट करुन टीका केली आहे. (Amol Mitkari Criticize Sadabhau Khot For Not Paid Hotel Bill)

पोट फुटेस्तुवर खाल्ल सदाभाऊ, आता बिलपण द्या. तुमच्यामुळे त्या हाॅटेल मालकाच्या जीवाला धोका निर्माण होतोय अशी सगळीकडे चर्चा आहे, असा टोला मिटकरी यांनी खोत यांना लगावला आहे. शेतकऱ्यांसाठी पोट फुटेस्तव आंदोलन करा आणि पवार साहेबांची उंची गाठायला आणखी सात जन्म वाट बघा, असा सल्ला अमोल मिटकरी यांनी सदाभाऊ खोत (Sadabhau Khot) यांना दिला आहे.

खोत यांनी सदरील हाॅटेल मालकाचे आरोप फेटाळले आहे. हा प्रकार राष्ट्रवादी काँग्रेसमुळे घडल्याचे ते म्हणाले.