Kirit Somaiya: अमोल मिटकरींनी केली सोमय्यांची नक्कल; खिल्ली उडवत म्हणाले...

राष्ट्रवादीचे आमदार अमोल मिटकरी सध्या जास्तच सक्रीय झाले आहेत. विधानभवनातल्या धक्काबुक्कीपासून ते चांगलेच चर्चेत आहेत. पंकजा मुंडेंना त्यांनी राष्ट्रवादी प्रवेशाची ऑफरही दिली आहे. याच सभेत त्यांनी किरीट सोमय्यांची नक्कलही करून दाखवली आहे.

जळगावमध्ये रोहिणी खडसेंच्या एका कार्यक्रमात आज अमोल मिटकरी बोलत होते. त्यावेळी त्यांनी किरीट सोमय्यांची खिल्ली उडवली आहे. प्रताप सरनाईक जेलमध्ये जातील, असं सोमय्या म्हणाले होते. पण सरनाईक तर शिंदे गटात गेले, असा टोला त्यांनी लगावला. तसंच भावना गवळींनी शिवबंधन मोदींना राखी बांधून ईडीची पिडा टाळली, असं विधान मिटकरींनी केलं आहे.

यावेळी भाषणात त्यांनी किरीट सोमय्या यांची नक्कलही केली. किरीट सोमय्या नावाचा एक महामानव आपल्याकडे आहे. तो मोठमोठे कागदपत्रांचे गठ्ठे घेऊन आला यायचा. प्रताप सरनाईक जेलमध्ये जाणार, असं म्हणत होता. आज बघताय तुम्ही काय झालंय ते.