Mohit Kamboj | Mohit Kamboj हा कोणाच्या चड्डीचा... मिटकरींचा हल्लाबोल | Sakal
sakal

बोलून बातमी शोधा

Amol Mitkari slams bjp leader Mohit Kamboj

Mohit Kamboj हा कोणाच्या चड्डीचा... मिटकरींचा हल्लाबोल

भाजप नेते मोहित कंबोज यांनी एक ट्वीट करत खळबळ उडवून दिली आहे. राष्ट्रवादीचा एक बडा नेता लवकरच जेल मध्ये जाईल, असं मोहित कंबोज यांनी म्हटलं आहे. दरम्यान, त्याच्या या ट्विटनंतर राष्ट्रवादी नेते सडकून टीका करताना दिसत आहेत. मोहित कंबोज हा कोणाच्या चड्डीचा नाडा आहे, हे सगळ्यांना माहीत असल्याचे राष्ट्रवादीचे आमदार अमोल मिटकरी यांनी म्हटले आहे.(Amol Mitkari slams bjp leader Mohit Kamboj)

राज्यातील मागील महाविकास आघाडी सरकारमधील मंत्री आणि राष्ट्रवादीचे नेते नवाब मलिक आणि अनिल देशमुख हे तरुंगात आहेत. त्यानंतर आता आणखी एक राष्ट्रवादीचा नेता लवकरच तरुंगात जाणार असल्याचे भाजपा नेते मोहित कंबोज यांनी सांगितले आहे.

राष्ट्रवादी काँग्रेसचे आमदार अमोल मिटकरी यांनी कंबोज यांच्यावर जोरदार टीका केली. ते माध्यमांशी बोलत होते. "मोहित कंबोज हा कोणाच्या चड्डीचा नाडा हे सगळ्यांना माहीत आहे," अशा शब्दात मिटकरींनी कंबोज यांची खिल्ली उडवली आहे.

मोहित कंबोज हा भाजपचा भोंगा आहे. हा भोंगा जनतेच्या प्रश्नावर, स्त्री अत्याचारावर, जीएसटी आणि महाराष्ट्रातील शेतकऱ्यांच्या प्रश्नावर कधीही वाजत नाही, अशी टीका मिटकरींनी दिली. मोहित कंबोज हा 'लष्कर-ए-देवेंद्र' मधील तिसऱ्या फळीतील नेता असल्याची टीका मिटकरींनी केली आहे

Web Title: Amol Mitkari Slams Bjp Leader Mohit Kamboj

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..