कलियुगच्या या राजाने...अमृता फडणवीस यांची मुख्यमंत्री ठाकरेंवर टीका | Amruta Fadnavis | Sakal
sakal

बोलून बातमी शोधा

Amruta Fadnavis And Uddhav Thackeray

कलियुगच्या या राजाने...अमृता फडणवीस यांची मुख्यमंत्री ठाकरेंवर टीका

मुंबई : आमदार रवी राणा आणि खासदार नवनीत राणा यांच्या अटकेवरुन महाराष्ट्राचे राजकारण तापले आहे. रविवारी राणा दाम्पत्याची रवानगी तुरुंगात झाली आहे. भारतीय जनता पक्षाचे नेते शिवसेनेवर टीका करण्याची एकही संधी सोडत नाही. दुसरीकडे हनुमान चालीसा आणि मशिदींवरील भोंगे यावरुन आरोप-प्रत्यारोप सुरु आहेत. आज सोमवारी (ता.२५) राज्याचे गृहमंत्री दिलीप वळसे-पाटील यांनी भोंग्याबाबत सर्वपक्षीय बैठक बोलवली आहे. मात्र महाराष्ट्र नवनिर्माण सेनेचे अध्यक्ष राज ठाकरे आणि विरोधी पक्षनेते देवेंद्र फडणवीस यांनी बैठकीवर बहिष्कार टाकला आहे. (Amruta Fadnavis Criticize Chief Minister Uddhav Thackeray)

हेही वाचा: राष्ट्रपती राजवट लागू करण्याची मागणी करणार नाही - देवेंद्र फडणवीस

दुसरीकडे फडणवीस यांच्या पत्नी अमृता फडणवीस (Amruta Fadnavis) यांनी मुख्यमंत्री उद्धव ठाकरे (Uddhav Thackeray) यांच्यावर हिंदीत ट्विट करुन टीका केली आहे. त्या म्हणतात कलियुगच्या या राजाने आता एक नवीन आदेश काढले आहे, जो उगळेल 'च' ची शिवी, त्याला इज्जत आणि मान आहे. जो जप करेल प्रभूचा, उसकी हलक में जान है ! अशी कोटी अमृता फडणवीस यांनी उद्धव ठाकरे यांच्यावर केली आहे.

हेही वाचा: शरद पवार जातीयवादी नाहीत : राजू शेट्टी

एकंदरीत भाजपकडून महाराष्ट्रातील कायदा व सुव्यवस्थेवर प्रश्नचिन्ह उपस्थित केले जात आहे. दरम्यान माजी खासदार किरीट सोमय्या यांच्या नेतृत्वाखालील पक्षाचे शिष्टामंडळ केंद्रीय गृहमंत्र्यांच्या भेटीसाठी आज दिल्लीत गेले आहे.

Web Title: Amruta Fadnavis Criticize Chief Minister Uddhav Thackeray

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top