मुंबई : खंडणी वसुलीच्या आरोपात अटकेत असलेले माजी गृहमंत्री अनिल देशमुख यांच्या विरोधात ईडीने मुंबई उच्च न्यायालयात प्रतिज्ञापत्र सादर केले आहे. यामध्ये ईडीने अनिल देशमुख हेच या खंडणी वसुली प्रकरणातील मुख्य आरोपी असल्याचं म्हटलं आहे.
दरम्यान वसुलीतून जमा केलेले पैसे देशमुख यांनी बोगस कंपन्यांद्वारे वळवल्याचे तपासात समोर आले आहे. तर भ्रष्टाचाराच्या पैशांचा स्रोत काय याबाबत देशमुखांनी असमाधानकारक उत्तरे दिली आहेत. या प्रकरणाचे ईडीचे तपास अधिकारी तासिन सुलतान यांच्या पथकाने ५६ पानांचे हे प्रतिज्ञापत्रक मुंबई उच्च न्यायालयात सादर केले आहे. या पत्रात देशमुखांचा अधिकाऱ्यांच्या बदली प्रकरणातही थेट संबध असल्याचे देखील नमूद करण्यात आले आहे.
देशमुख हे महाराष्ट्र राज्याचे गृहमंत्री राहिलेले आहेत. यामुळे देशमुखांची सुटका झाल्यास ते राजकीय वजन वापरून पुराव्यांशी छेडछाड करू शकतात असाही अंदाज ईडीने वर्तवला आहे. तसेच देशमुख हे तपासातही सहकार्य करत नसल्याने त्यांना जामीन देऊ नये, असे ईडीने प्रतिज्ञापत्रात म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
