Amruta Fadnavis Blackmail Case: अमृता फडणवीस फसवणूक प्रकरणात नवा ट्विस्ट; आणखी एकाला अटक

उपमुख्यमंत्री देवेंद्र फडणवीस यांची पत्नी अमृता फडणवीस फसवणूक प्रकरणात अनिल जयसिंघानी याच्यानंतर आणखी एकाला अटक करण्यात आली आहे. काल बुकी अनिल जयसिंघानी याला गुजरातमधून अटक करण्यात आली आहे. मुंबई पोलिसांच्या गुन्हे शाखेकडून अनिल जयसिंघानी याला अटक करण्यात आली आहे. (Anil Jaisinghani close associate Nirmal Jaisinghani arrested Amruta Fadnavis Blackmail Case )

दरम्यान, अनिल जयसिंघानीच्या जवळचा सहकारी निर्मल जयसिंघानीला अटक करण्यात आली आहे. अनिल सोबतच असलेल्या निर्मलला देखील गुजरात वरूनच पोलिसांनी ताब्यात घेतलं आहे.

अदानी..हिंडेनबर्ग आणि भविष्य....

अनिलला लपण्यात आणि लॉजिस्टिक सपोर्ट केल्याचा आरोप निर्मल याच्यावर आहे. हॉटेल बुकिंग निर्मल स्वतःच्या नावावर करायचा. अनिल जयसिंघानी आणि निर्मल या दोघांना आज कोर्टात हजर करण्यात येणार आहे.

उपमुख्यमंत्री देवेंद्र फडणवीस यांची पत्नी अमृता फडणवीस यांना धमकी आणि लाच देण्याचा प्रयत्न केल्याप्रकरणी मुंबई पोलिसांकडून डिझायनर अनिक्षा जयसिंघानी आणि तिचे वडील अनिल जयसिंघानी यांच्याविरोधात गुन्हा दाखल करण्यात आला होता.

गेल्या सात वर्षापासून जयसिंघानी फरार होते. त्यांच्यावर अनेक गुन्हे दाखल होते. अमृता फडणवीस यांच्या प्रकरणानंतर त्यांच्यावर कारवाईसाठी पोलिस शोध घेत होते. अखेल गुजरातमधून त्यांना अटक करण्यात आली आहे. काही दिवसांपूर्वीच त्याची मुलगी अनिक्षा जयसिंघानीला अटक करण्यात आली होती.