Maharashtra Assembly Election 2024: लोकसभा निवडणुकीमध्ये सांगली मतदारसंघाकडे राज्याचं लक्ष लागून राहिलं होतं. त्याचं कारण विशाल पाटील यांनी काँग्रेसमधून बंडखोरी करुन अपक्ष उमेदवारी अर्ज दाखल केला होता. महाविकास आघाडीतील घटकपक्ष असलेल्या ठाकरे गटाने चंद्रहार पाटील यांची उमेदवारी जाहीर केल्याने काँग्रेसची अडचण झाली होती. त्या निवडणुकीत विशाल पाटील निवडून आले. आता विधानसभेलाही सांगलीकडेच राज्याचं लक्ष लागून राहिलं आहे. पुन्हा एकदा वसंतदादा पाटील घराण्यातील सदस्याने अपक्ष अर्ज दाखल केलेला आहे.
