Barsu Refinery : आंदोलक महिलांना उष्माघाताचा त्रास; रुग्णालयात हलवलं

बारसू रिफायनरी प्रकल्पासाठी स्थानिकांनी तीव्र विरोध दर्शवला आहे. सकाळपासून निषेधार्थ लाँग मार्चही काढण्यात आला आहे. या आंदोलनामध्ये काही महिलांना उष्माघाताचा त्रास जाणवू लागला आहे.

बारसू माळरानावर सकाळपासूनच ग्रामस्थांनी ऱिफायनरीच्या विरोधात आंदोलन सुरू केलं आहे. यावेळी एका महिलेला उष्माघाताचा त्रास होऊ लागला. मात्र तिने रुग्णालयात जाण्यास नकार दिला. त्यानंतर पुन्हा काही वेळाने आणखी महिलांना हा त्रास होऊ लागला.

त्यानंतर या महिलांना सावलीत नेण्यात आलं. त्यानंतर पुन्हा एका महिलेला उष्माघाताचा त्रास जाणवू लागला, पण तिनेही रुग्णालयात जाण्यास नकार दिला आणि आंदोलनस्थळीच राहण्याचा हट्ट धरला. जीव गेला तरी आंदोलन सोडून जाणार नाही, अशी भूमिका या महिलांना घेतली.