पालिका निवडणुकीपूर्वी हिंदुत्व कार्ड जोरात! नितेश राणेंचीही उडी

मुंबई : पालिका निवडणुकीच्या (muncipal election) तोंडावर मुंबईमध्ये हिंदुत्वाच्या मुद्याने डोके वर काढले असून, आता मनसे (MNS) पाठोपाठ भाजप (BJP) देखील आघाडीवर आहे. मुंबईतील हिंदूंच्या (HINDU) रक्षणासाठी रस्त्यावर उतरणार असल्याचे ट्विट आज नितेश राणे (Nitesh rane) यांनी केले आहे.

ट्विटमध्ये नितेश राणे काय म्हणालेत

बांगलादेशात नुकतेच नवरात्रीच्या काळात थेट दुर्गा देवीच्या मूर्तीची तोडफोड करण्यात आली. मंदिराची तोडफोड करण्यात आली. मंदिरातील पुजाऱ्याची हत्या करण्यात आली. त्यानंतर लगेच मुसलमानांनी येथील हिंदूंच्या वस्तीवर हल्ला केला. त्यामुळे येथे हिंदूंमध्ये भीतीचे वातावरण निर्माण झाले आहे. या घटनेचा संदर्भ देत भाजपचे आमदार नितेश राणे यांनी ट्विट केले. जे बांगलादेशात घडले तेच पुढे मुंबईत घडणार आहे. त्यातील मालवणी हा सध्याचा पहिला भाग आहे. अशा प्रकारे मुंबईत अनेक ठिकाणी अशीच परिस्थिती आहे. आम्ही अशा ठिकाणांना भेटी देणार आहोत, तेथील हिंदूंना पाठिंबा देणार आहोत. येत्या आठवड्यात आम्ही हे कार्य सुरु करणार आहोत.तसेच बंगाल पॅटर्नवरील मुख्यमंत्र्यांचे प्रेम आणि उघडकीस आणणार आहोत असे देखील ते म्हणाले.

दरम्यान मुख्यमंत्री उद्धव ठाकरे (uddhav thackeray) यांनी दसरा मेळाव्यात केलेलं भाषण आणि त्यानंतर भाजपा नेत्यांकडून (bjp) आलेल्या प्रतिक्रियांचा समाचार 'सामना' च्या अग्रलेखातून शिवसेनेनं घेतल्यानंतर भाजप नेते नितेश राणे (nitesh rane) यांनीही संजय राऊतांवर (sanjay raut) ट्विटरच्या माध्यमातून निशाणा साधला.

नितेश राणे ट्विट

‘मालकाच्या घरीच ‘गांजाचा बादशाह’असल्यामुळे राऊतांना कमी आणि जास्त प्रतीचा गांजा कसा असतो हे चांगले कळते. गांज्यावर इतके प्रेम बर नाही. अशी खोचक टीका नितेश राणे यांनी ट्वीट करत केली आहे.