Marathawada Big News : चव्हाट्यावर आलेला जिल्ह्यातील कायदा व सुव्यवस्थेचा मुद्दा, सरपंच संतोष देशमुख यांचा निर्घुण खुनामुळे ढवळून निघालेले जिल्ह्यातील वातारवण आणि महायुतीच्या नेत्यांमध्येच अलिकडे रंगत असलेल्या कुरघोड्यांच्या पाश्‍र्वभूमीवर समतोल साधण्यासाठी जिल्ह्याचे पालकमंत्रीपद उपमुख्यमंत्री अजित पवार स्वत:कडे घेणार असल्याचे मानले जाते. जिल्ह्यावर मुख्यमंत्री देवें्रद फडणवीस यांनी लक्ष घातले असले तरी पालकत्व पवारांकडे देण्याचा पर्याय सरकारमध्ये समोर आला आहे.
विधानसभा निकालानंतर सुरेश धस यांनी आपल्या राजकीय तोफांचा मारा परळीकडे वळविला. पर्यावरण व पशुसंवर्धन मंत्री पंकजा मुंडे यांच्यावर आरोपांनी ‘परळीविरुद्ध दोन हात’ अशी नवी राजकीय सुरुवात करणाऱ्या सुरेश धस यांनी आता अन्न व नागरी पुरवठामंत्री धनंजय मुंडे यांनाही चांगलेच फैलावर घेतले आहे.
