मुंबई - ‘उद्धव ठाकरे यांची शिवसेना, एकनाथ शिंदे यांची शिवसेना आणि राज ठाकरे या तिघांनीही एकत्र आले पाहिजे. अखंड शिवसेना एक झाली पाहिजे,’ अशी इच्छा शिवसेनेचे नेते गजानन किर्तीकर यांनी व्यक्त केली..शिवसेना (उद्धव बाळासाहेब ठाकरे) आणि मनसे एकत्र येण्याची चर्चा सुरु झाल्यानंतर कीर्तिकर यांनी ही प्रतिक्रिया व्यक्त केली. राज आणि उद्धव यांनी एकत्र आले पाहिजे ही इच्छा महाराष्ट्रातील असंख्य शिवसैनिकांची आहे. ‘ठाकरे’ ब्रँड आहे, तो राहिला पाहिजे अशी आमच्यासारख्या जुन्या शिवसैनिकांची इच्छा असल्याचे ते म्हणाले..शिवसेनेचा मतदार, कार्यकर्ता बाळासाहेबांची शिवसेना जाणतो. तो काँग्रेसप्रणित किंवा भाजपप्रणित शिवसेना जाणत नाही. शिवसेनेचे ते खरे स्वरूप पुन्हा प्राप्त करायचे असेल तर उद्धव ठाकरे आणि एकनाथ शिंदे या दोघांनी अनुक्रमे काँग्रेस आणि भाजपची साथ सोडायला हवी, असे आवाहन किर्तीकर यांनी व्यक्त केले..२० वर्ष आमदार, दहा वर्षे खासदार, मंत्री एवढा अनुभव असूनही एकनाथ शिंदे यांच्या शिवसेनेने माझा कोणताही उपयोग करून घेतला नाही. याची खंत माझ्या मनात आहे.- गजानन किर्तीकर, शिवसेनेचे नेते.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
