मुंबई - २०२७ मध्ये होणाऱ्या जातनिहाय जनगणनेमध्ये लोकसंख्येच्या आधारे वर्गीकरण करण्यासाठी आवश्यक बदल केले जाणार असल्याचे मुख्यमंत्री देवेंद्र फडणवीस यांनी जाहीर करत अनुसूचित जातीच्या आरक्षणात उपवर्गीकरणाला एकप्रकारे सहमती दर्शविली आहे..गेल्या वर्षी राज्यातील अनुसूचित जातीच्या वर्गीकरणाचा प्रारूप आराखडा तयार करण्यासाठी पाटणा उच्च न्यायालयाचे निवृत्त न्यायाधीश अनंत बदर यांच्या अध्यक्षतेखाली एक सदस्यीय समिती स्थापन करण्यात आली आहे, या समितीचा अहवाल आल्यानंतर उपवर्गीकरणाची प्रक्रिया सुरु होईल..नुकतेच सरन्यायाधीश भूषण गवई यांनी उपवर्गीकरण ही आरक्षणाच्या उपयुक्ततेवर प्रश्नचिन्ह निर्माण करणारी गोष्ट नाही, तर आरक्षणाच्या लाभासाठी आवश्यक यंत्रणा असल्याचे वक्तव्य केले होते. तत्पूर्वी सर्वोच्च न्यायालयाने गेल्या वर्षी अनुसूचित जातीच्या आरक्षणाचे वर्गीकरण करण्याचा अधिकार राज्य सरकारला दिला आहे..त्यामुळे या पार्श्वभूमीवर मुख्यमंत्री फडणवीस यांनी २०२७ मध्ये होणाऱ्या जातनिहाय जनगणनेच्या वेळेसच वर्गीकरण्यासाठी आवश्यक बदल करण्याचे वक्तव्य करत जातनिहाय उपवर्गीकरणाचा मार्ग मोकळा झाला असल्याचे संकेत दिले आहेत. फडणवीस यांच्या अध्यक्षतेखाली ‘सह्याद्री’ अतिथिगृह येथे मातंग समाजाच्या मागण्यासंदर्भात बैठक झाली..त्यावेळी फडणवीस यांनी मातंग समाजाच्या शिष्टमंडळाला जातनिहाय उपवर्गीकरण करण्यास तत्वत: सहमती दर्शवली. सन २०२७ मध्ये होणाऱ्या जातनिहाय जनगणनेमध्ये लोकसंख्येच्या आधारे वर्गीकरणात आवश्यकतेनुसार बदल करण्यात येईल, असेही मुख्यमंत्री फडणवीस यांनी यावेळी स्पष्ट केले.तसेच अनुसूचित जातींच्या आरक्षणात उपवर्गीकरणाचा आराखडा निश्चित करण्यासाठी निवृत्त न्यायाधीश अनंत बदर यांच्या अध्यक्षतेखाली समिती स्थापन करण्यात आली आहे. या समितीला पुढील तीन महिन्यांत अहवाल सादर करण्याची विनंती केली जाणार असल्याचेही त्यांनी स्पष्ट केले..कर्ज योजनेच्या अटी शिथिल होणारफडणवीस यांनी मातंग समाजाच्या संघटनांनी आपल्या मागण्या लेखी स्वरूपात बदर समितीकडे सादर कराव्यात असेही सांगितले. साहित्यरत्न लोकशाहीर अण्णा भाऊ साठे विकास महामंडळाच्या कर्ज योजनेत जामीनदारासंदर्भातील अटी शिथिल करण्याबाबतचा प्रस्ताव मंत्रिमंडळ बैठकीत सादर करण्याचे निर्देश त्यांनी यावेळी दिले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
