अंजली दमानियांच्या हायकोर्टातील याचिकेवर भुजबळांची प्रतिक्रीया, म्हणाले..

नाशिक : ज्या-ज्या मार्गाने इंपेरिकल डाटा (Empirical Data) गोळा होईल त्या मार्गाने तो गोळा करण्याचे काम सुरु असून आपण जो अध्यादेश काढला त्याचा बेस काय आहे, हे न्यायालय पटवून देत आहोत अशी माहिती राज्याचे अन्न व नागरी पुरवठामंत्री छगन भुजबळ यांनी दिली आहे. तसेच याबाबत 17 जानेवारीला कोर्टात सुनावणी होण्याची शक्यता आहे, असे देखील भुजबळ म्हणाले. (chhagan Bhujbal reaction to Anjali Damania petition in the High Court)

अंजली दमानिया प्रकरण

कथित महाराष्ट्र सदन घोटाळा (Maharashtra Sadan Scam) प्रकरणात मंत्री छगन भुजबळ यांची डोकेदुखी पुन्हा वाढण्याची चिन्हे आहेत, लाचलुचपत प्रतिबंध विभागाच्या (एसीबी) विशेष न्यायालयाने या प्रकरणात छगन भुजबळ (Chhagan Bhujbal) यांची निर्दोष मुक्तता केली होती. मात्र, सामाजिक कार्यकर्त्या अंजली दमानिया (Anjali Damania) यांनी आता या निर्णयाविरोधात उच्च न्यायालयात (High Court) धाव घेतली आहे.

याविषयी बोलताना "कुणी कोर्टात गेलं, तरी त्याची चिंता करण्याचं कारण नाही, ऍक्टिविस्ट आहेत, कुणीही कोर्टात जाऊ शकतं, त्यावर अधिक भाष्य करणार नाही" असे छगन भुजबळ यावेळी म्हणाले.