मुंबई : मागील काही दिवसांपासून शिवसेना हिंदुह्रदय सम्राट बाळासाहेब ठाकरे यांची शिवसेना (Shiv Sena) राहिली नसल्याचे बोलले जात आहे. विविध आरोप केले जात आहे. शिवसेना पूर्वीसारखी राहिली नसल्याचे असे भासवले जात आहे. ‘अस मी काय केलं की ही शिवसेना बाळासाहेब ठाकरे यांची शिवसेना राहिलेली नाही’ असा प्रश्न मुख्यमंत्री उद्धव ठाकरे (uddhav thackeray) यांनी विरोधकांसह सर्वांना केला. (CM uddhav thackerays only question, What did I do that this is not Balasahebs Shiv Sena)
शिवसेनेचे नेते एकनाथ शिंदे यांच्या बंडानंतर शिवसेना पक्ष प्रमुख आणि मुख्यमंत्री उद्धव ठाकरे बुधवारी (ता. २२) सायंकाळी ५.४५ वाजताच्या सुमारास फेसबुक लाईव्हद्वारे महाराष्ट्रातील नागरिकांशी संवाद साधला. यावेळी ते कोरोना, शस्त्रक्रिया, राज्यातील राजकीय घडामोडींवर बोलले.
२०१४ साली लढलेली शिवसेना ही बाळासाहेब ठाकरे यांचीच शिवसेना होती. आम्ही आमच्या ताकदीवर ६३ आमदार प्रतिकूल परिस्थितीत निवडून आणले. मधल्या काळात जे मिळाल ते बाळासाहेब नसताना बाळासाहेबांच्या शिवसेनेने दिले आहे. आमदार, मंत्री हे सगळे बाळासाहेब ठाकरे नसतानाच्या शिवसेनेने (Shiv Sena) दिले आहेत, असेही मुख्यमंत्री उद्धव ठाकरे (uddhav thackeray) म्हणाले.
मी कोणाला भेटत नव्हतो. आमदारांना भेटत नव्हतो, असे सतत बोलले जात आहे. हे खरं आहे. कारण, माझ्यावर शस्त्रक्रिया झाली होती. त्या काळात कोणाला भेटणे शक्य नव्हते. तेव्हाची परिस्थिती वेगळी होती. प्रकृतीच्या कारणाने आमदारांना भेटू शकलो नाही. मात्र, मागील काही दिवसांपासून मी भेटायला सुरुवात केली आहे, असेही मुख्यमंत्री उद्धव ठाकरे (uddhav thackeray) म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
