काँग्रेस उद्या राजभवनाला घालणार घेराव; नाना पटोलेंनी दिला इशारा

मुंबई : वाढती महागाई आणि इतर विविध मुद्यांवर काँग्रेसच्यावतीनं उद्या सर्व जिल्ह्यांमध्ये आंदोलन करण्यात येणार आहे. त्याचबरोबर याच मुद्द्यावरुन राजभवनाला घेराव घालण्यात येणार असल्याची माहिती प्रदेशाध्यक्ष नाना पटोले यांनी दिली. (Congress will lay siege to Raj Bhavan tomorrow Nana Patole warned)

महाराष्ट्रातल्या सर्व जिल्ह्यांमध्ये उद्या काँग्रेस आंदोलन करेल. या माध्यमातून अतिवृष्टी, अग्निपथ योजना महागाई, बेरोजगारी या सर्व मुद्द्यांवर संपूर्ण देशभरात काँग्रेस आंदोलन करणार आहे. यासाठी राज्यपाल भवनावर देखील आम्ही आंदोलन करणार आहोत त्यांना घेराव घालणार आहोत. तसेच यावेळी त्यांना आम्ही याबाबत निवेदन देणार आहोत, अशी माहिती नाना पटोले यांनी दिली.