शिवसेनेमुळे अडले समन्वय समितीचे घोडे

मुंबई - शिवसेना-राष्ट्रवादी काँग्रेस-काँग्रेस या तीन पक्षांच्या महाविकास आघाडीचे सरकार सुरळीत चालण्यासाठी स्थापन करण्यात येणाऱ्या समन्वय समितीचे घोडे शिवसेनेमुळे अडले असल्याचे सांगितले जाते.

ताज्या बातम्यांसाठी डाऊनलोड करा ई-सकाळचे ऍप

मुख्यमंत्री उद्धव ठाकरे सरकारचा कारभार सुरळीत चालण्याच्या उद्देशाने समन्वय समिती स्थापन करण्याचा निर्णय हे सरकार स्थापन करण्यापूर्वी झालेल्या बैठकांत झाला होता. मात्र, अद्याप ही समिती स्थापन होऊ शकली नाही. राष्ट्रवादी काँग्रेसच्या वतीने या समितीमध्ये उपमुख्यमंत्री अजित पवार, जलसंपदामंत्री जयंत पाटील, काँग्रेस पक्षातर्फे महसूलमंत्री बाळासाहेब थोरात, सार्वजनिक बांधकाममंत्री अशोक चव्हाण यांची नावे निश्‍चित करण्यात आली आहेत. मात्र, शिवसेनेकडून कोणाचीही नावे निश्‍चित करण्यात आलेली नाहीत. शिवसेनेकडून नगरविकासमंत्री एकनाथ शिंदे, उदयोगमंत्री सुभाष देसाई तसेच परिवहनमंत्री अनिल परब या तीन नावांची चर्चा आहे.