Corona Update : राज्यात 766 नवीन रुग्ण 19 रुग्णांचा मृत्यू

मुंबई : सोमवारच्या तुलनेत अधिक बाधित रुग्णांचा मृत्यू आज झाला असून दैनंदिन रुग्ण संख्येत देखील वाढ झाली आहे. राज्यात आज 19 रुग्ण दगावले असून सोमवारी 8 रुग्ण दगावले होते. दैनंदिन रुग्णसंख्या ही 656 वरून 766 झाली आहे. तर आज 929 बाधित रुग्ण बरे झाले. कोरोनातून बरे होणाऱ्या रुग्णांची संख्या 64,77,379 इतकी आहे. राज्यातील रुग्ण बरे होण्याचे प्रमाण वाढून 97.68 % एवढे झाले आहे.

राज्यातील मृतांचा एकूण आकडा 1,40,766 इतका झाला आहे. राज्यातील मृत्यूदर 2.12 टक्क्यांवर पोहोचला आहे. सक्रिय रुग्णांची संख्या ही कमी होऊन 9493 इतकी आहे.आज 766 रुग्णांसह  करोना बाधित रुग्णांची एकूण संख्या 66,31,297 झाली आहे. 

औरंगाबाद,अकोला,औरंगाबाद मंडळात एकाही मृत्यूची नोंद झाली नाही. तर ठाणे 3,नाशिक 5,पुणे 7,कोल्हापूर 1,लातूर 3 मृत्यू नोंदवले गेले. सध्या राज्यात 85,335 व्यक्ती होमक्वारंटाईनमध्ये आहेत तर 1077 व्यक्ती संस्थात्मक क्वारंटाईनमध्ये आहेत.