55 वर्षावरील कर्मचाऱ्यांना 'वर्क फ्रॉम होम' ; दिलीप वळसे पाटील

राज्यात कोरोना (Corona) रुग्णांची संख्या वाढत आहे. यामुळे ५५ वर्षावरील कर्मचाऱ्यांनी वर्क फ्रॉम होम करता येणार असल्याची माहिती राज्याचे गृहमंत्री दिलीप वळसे पाटील (Dilip Walse Patil)यांनी माध्यमांशी बोलताना दिली. पोलिस कर्मचाऱ्यांना जास्त प्रमाणात कोरोनाची लागण झाली तर त्यांचीही व्यवस्था करण्यात आली आहे. यासाठी प्रशासन सज्ज आहे. असेही त्यांनी स्पष्ट केले.

भारतात दररोज कोरोनाची रुग्णसंख्या दुप्पटीने वाढत आहे. यातच आता दक्षिण आफ्रिकेत कोरोनाचा नव्याने आढळलेला ओमिक्रॉन व्हेरिएंटने (Omicron variant) आता जगभरासह भारतातदेखील (Omicron cases in India) आपले हातपाय पसरण्यास सुरुवात केली आहे. मुंबईत याची संख्या जादा असल्याने लाॅकडाऊन लागेल का याची भिती लागून राहिली असतानात पोलिस कर्मचाऱ्यांना देखील जादा प्रमाणात कोरोनाची लागण होत आहे. यावर राज्याचे गृहमंत्री दिलीप वळसे पाटील (Dilip Walse Patil) माध्यमांशी संवाद साधला.

राज्याचे उपमुख्यमंत्री आणि पुण्याचे पालकमंत्री अजित पवार (Ajit Pawar) यांनी पुण्यातील कोरोना परिस्थितीचा आढावा घेणारी बैठक घेतली. बैठकीनंतर झालेल्या पत्रकार परिषदेत त्यांनी पुणे जिल्ह्यासंदर्भात काही महत्त्वाचे निर्णय जाहीर केले आहेत. कोरोनाची (Corona) स्थिती दिवसेंदिवस बिकट होत चालली आहे. सध्या पुणे जिल्ह्यात 74 टक्के नागरीकांनी दोन डोस घेतलेला आहे. माझी पुणेकरांना विनंती आहे की टोकाचं पाऊल उचलायला लावू नका. आज काही निर्णय घेतोय. उर्वरित लोकांनी डोस घेतलाच पाहिजे, असा इशाराही त्यांनी यावेळी दिला आहे.