नाशिक : राज्यात लोकप्रिय ठरलेली मुख्यमंत्री माझी लाडकी बहीण योजना सुरू राहणार की बंद होणार याविषयी चर्चा सुरू असताना, उपमुख्यमंत्री व अर्थमंत्री अजित पवार यांनी ही योजना सुरळीतपणे सुरू ठेवण्यासाठी योजनेच्या निकषांची अंमलबजावणी करण्यात येणार असल्याचे स्पष्ट केले. घरी चारचाकी वाहन असलेल्या व २० हजारांवर वेतन घेणाऱ्या महिलांनीही या योजनेतून वगळले जाऊ शकते. मात्र, यापूर्वी लाभ घेतलेल्या एकाही महिलेकडून सरकार पैसे परत घेणार नसल्याची ग्वाही त्यांनी आज नाशिकमधील पत्रकार परिषदेत दिली.