Devendra Fadnavis : फडतूस प्रकरण! मी नागपूरचाय यापेक्षा खालची भाषा बोलता येते; लाळघोटे...

मुंबईः राज्याला फडतूस गृहमंत्री लाभल्याचं विधान उद्धव ठाकरे यांनी केलं होतं. त्याला गृहमंत्री तथा उपमुख्यमंत्री देवेंद्र फडणवीस यांनी जशास-तसं उत्तर दिलं आहे.

त्यांचा अडीच वर्षांचा कारभार बघितल्यानंतर नेमकं फडतूस कोण आहे, हे महाराष्ट्राला माहतंय. ज्यांनी दोन-दोन मंत्र्यांची लाळ घोटली, ज्यांनी वाझेची लाळ घोटली त्यांनी शब्द जपून वापरावेत. मी त्यांच्यापेक्षाही खालची भाषा वापरु शकतो..मी नागपूरचा आहे, असा इशाराचा फडणवीसांनी ठाकरेंना दिला.

फडणवीस पुढे म्हणाले की, उद्धव ठाकरेंचा जो थयथयाट सुरुय त्याला मला उत्तर देण्याची गरज नाही. मोदींचे फोटो लावून निवडून येऊन खुर्चीसाठी लाळ घोटता, खरा फडतूस कोण आहे हे जनतेला माहिती असल्याचं ते म्हणाले.

काय म्हणाले देवेंद्र फडणवीस?

• अडीच वर्षांचा कारभार बघितल्यानंतर नेमकं फडतूस कोणय? हे महाराष्ट्राला माहिती आहे

• दोन-दोन मंत्री जेलमध्ये गेल्यानंतर राजीनामा घेऊ शकले नाहीत. त्यांच्याभोवतीच लाळ घोटत असतात

• जे वाझेच्या मागे लाळ घोटतात, ज्यांच्या काळात पोलिस एक्स्टॉर्शन करतात त्यांना बोलण्याचा अधिकार काय?

• अडीच वर्षे घरात बसून राजकारण करणाऱ्यांनी आम्हांला शिकवू नये

• ज्या दिवशी बोलणं सुरु करील त्या दिवशी त्यांची पळता भूई थोडी होईल

• त्यांचा जो थयथयाट आहे त्याला उत्तर देण्याचं कारण नाही

• मोदींचे फोटो घेऊन निवडून येता आणि खुर्चीसाठी लाळ घोटता..मग खरा फडतूस कोण?

• मला त्यांच्यापेक्षा खालची भाषा बोलता येते. मी नागपूरचा आहे

• मी गृहमंत्री असल्याने अनेकांना अडचणी येताय. ते पाण्यात देव ठेवून बसले आहेत

• पण मी गृहमंत्री पद सोडणार नाही. जो-जो चुकीचं काम करेल त्याला जेलमध्ये टाकल्याशिवाय राहणार नाही

ठाण्यात शिंदे गटाच्या महिल्या कार्यकर्त्यांनी ठाकरे गटाच्या एका महिला कार्यकर्त्याला मारहाण केल्याची घटना समोर आली आहे. त्यानंतर राज्यात नव्या वादाला तोंड फुटले. दरम्यान, माजी मुख्यमंत्री उद्धव ठाकरे यांनी पत्रकार परिषद घेत उपमुख्यमंत्री देवेंद्र फडणवीस यांच्यावर गंभीर टीका केली. महाराष्ट्राला फडतूस गृहमंत्री लाभले आहेत. असं उद्धव ठाकरे म्हणाले. त्यानंतर देवेंद्र फडणवीस यांनी माध्यमांसमोर येत ठाकरेंना जशास-तसं उत्तर दिलं.