BJP NCP
BJP NCP

Vidhan Sabha 2019 : भाजपला धक्का; 'या' नेत्याचा राष्ट्रवादीत प्रवेश

सातारा : भाजपने सुरू केलेल्या फोडाफोडीच्या राजकारणाला जशास तसे उत्तर देण्यासाठी शरद पवार यांच्या प्रमुख उपस्थितीत साताऱ्यात आज राष्ट्रवादी काँग्रेस जोरदार शक्तिप्रदर्शन केले. यावेळी भाजपचे मागील वेळेचे सातारा विधानसभा मतदार संघातील उमेदवार आणि शिवेंद्रराजे भोसले यांचे विरोधक दीपक पवार यांनी राष्ट्रवादीत जाहीर प्रवेश केला.

सातारा जिल्ह्यातील राष्ट्रवादीचे वर्चस्व मोडीत काढण्यासाठी भाजपने जोरदार प्रयत्न सुरू केले आहेत. त्यामध्ये माजी खासदार उदयनराजे भोसले आणि माजी आमदार शिवेंद्रसिंहराजे भोसले यांना पक्षातून फोडण्यात यश मिळविले. या दोन नेत्यांच्या जोरावर जिल्ह्यात भाजपचे आमदार निवडून आणण्याची रणनीती भाजपने आखली आहे. ही रणनीती फेल ठरविण्यासाठी व खासदार, आमदारांच्या पक्ष सोडून जाण्याने अस्वस्थ झालेल्या कार्यकर्त्यांना चार्ज करण्यासाठी शरद पवार यांचा दौरा महत्त्वाचा मानला जात आहे.

दरम्यान, राष्ट्रवादी काँग्रेस पक्षाने विधानसभा निवडणुकीचे रणशिंग फुंकले. युवकांच्या मोटारसायकल रॅलीसह राष्ट्रवादीचे नेते शरद पवार यांनी पदयात्रा काढली होती. ही रॅली जिल्हा परिषद मार्गे रॅली बॉम्बे चौकातून कल्याण रिसॉर्टला गेली, तेथे त्यानंतर जाहीर सभा घेण्यात आली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com