Buldhana Accident News: सर्वत्र नववर्षाचं स्वागत जल्लोषात आंनदात सुरू होत असताना दुसरीकडे बुलढाण्यात वर्षाच्या शेवटच्या रात्री भीषण अपघात झाला आहे. मद्यधुंद कारचालकाने सुसाट कार चालवत दुचाकीसह ३ ते ४ वाहनांना जोरदार धडक दिल्याची घटना घडली आहे. या भीषण अपघातात ४ जण जखमी झाले आहेत.
जखमी झालेल्यापैकी काहींची प्रकृती चिंताजनक असल्याची माहिती समोर आली आहे. त्यांना उपचारासाठी शेगाव येथील रुग्णालयात दाखल करण्यात आले आहे. थरकाप उडवणारी ही घटना शेगाव -बाळापूर मार्गावर काल (रविवारी) रात्री ८ वाजण्याच्या सुमारास घडली आहे.
मिळालेल्या माहितीनुसार, या कारमधून ४ तरुण प्रवास करीत होते. कारचालक नशेत गाडी चालवत होता. शेगाव -बाळापूर मार्गावरून जात असतानाच चालकाचे कारवरील नियंत्रण सुटले, आणि त्याने समोरुन जात असलेल्या दुचाकीसह ३ ते ४ वाहनांना धडक दिली. अपघात इतका भीषण होता, की वाहनांना धडक दिल्यानंतर कार डिव्हाडरवर चढून रस्त्याच्या कडेला उलटली. सुदैवाने या अपघातात कुठलीही जीवितहानी झालेली नाही.
मात्र, अपघातात ४ जण जखमी झाले आहेत. अपघाताची माहिती मिळताच स्थानिकांसह पोलिसांनी घटनास्थळी धाव घेतली. जखमींना तात्काळ उपचारासाठी शेगाव येथील रुग्णालयात दाखल करण्यात आले. रात्री उशीरापर्यंत पोलिसांकडून गुन्हा दाखल करण्याचे काम सुरू होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.