Video: उड़ ने दो मिट्टी को..; शिक्षणमंत्र्यांनी घेतली योगींची शाळा

लखनऊ : उत्तर प्रदेश विधानसभेच्या 403 जागांसाठी आज दुसऱ्या टप्प्यातील मतदान सुरू आहे. दरम्यान, पाच राज्यातील विधानसभेच्या जागांसाठी अनेक राजकीय पक्षांकडून जोरदार प्रचार सुरू आहे. यामध्ये रायकीय नेत्यांकडून एकमेकांवर आरोपांच्या फैरी झाडल्या जात आहेत. त्यात महाराष्ट्राच्या शिक्षण मंत्री वर्षा गायकवाड यांनी देखील प्रचारादरम्यान उत्तर प्रदेशातील अमृतपूर मतदारसंघात जात योगी सरकारची जोरदार शाळा घेतली आहे. याबाबत वर्षा गायकवाड यांनी एक ट्वीट शेअर केले आहे. यामध्ये त्या शेरोशायरी करताना दिसून येत आहेत.

शिक्षण मंत्र्यांनी केलेल्या ट्वीटमध्ये, जनतेच्या डोळ्यांमध्ये धूळ झोकणाऱ्या, सत्तेच्या नशेत असलेल्या योगी सरकारसाठी मी काही शेर सादर करते म्हणत वर्षा गायकवाड म्हणतात की '' उड़ ने दो मिट्टी को काहाँ तक जाएगी हवा का रूख बदल जाएगा तो जमीं पे आएगी'' असे म्हणत त्यांनी जनतेच्या डोळ्यात धूळफेक करणाऱ्या योगी सरकारवर जोरदार हल्लाबोल केले आहे.